پسپۆڕێکی ئابوریی عێراقی: کەسانی دەستڕۆیشتوو لەناو حکومەت لەپشت بەردەوامیی قەیرانی دۆلارەوەن
  2024-03-07     

پسپۆڕێکی ئابوریی عێراقی ڕایده‌گه‌یه‌نێت، "کەسانی دەستڕۆیشتوو لەناو حکومەت لەپشت بەردەوامیی قەیرانی دۆلارەوەن"، ده‌شڵێت:"مافیاکانی گەندەڵیی پارێزراو لەڕوی سیاسییەوە سودمەندی سەرەکیی قەیرانی دۆلار بون".

ئەحمەد تەمیمی شارەزای ئابوریی عێراقی ڕایگەیاندوەکە مافیای گەندەڵیی سەر بەهێزەکانی حەشدی شەعبی، لەپشت قەیرانی دۆلارەوەن لەعێراق، ئەو هێزانە لەلایەن هەندێک کەسایەتیی سیاسیی‌و لایەنی دەستڕۆیشتوەوە دەپارێزرێن کە ئاستەنگ بۆ چاکسازییە ئابورییەکان دروستدەکەن.

تەمیمی لەچاوپێکەوتنێکی ڕۆژنامەوانیدا ڕایگەیاندوە، “مافیاکانی گەندەڵیی پارێزراو لەڕوی سیاسییەوە سودمەندی سەرەکیی قەیرانی دۆلار بون‌و ئەوان لەپێناو بەرژه‌وەندیی‌و دەستکەوتی خۆیان کاریان لەسەر توندکردنەوەی قەیرانەكه‌ کردوەو ئێستاش کاردەکەن ڕێگریی لەهەر چاکسازییەکدا بکەن کە حکومەت لەکەرتی ئابوریی‌و داراییدا بیکات".

هەروەک دەشڵێت:"ئەو مافیایانە پارێزگاریی سیاسییان لەلایەن هەندێک کەس‌و لایەنی کاریگەرو دەستڕۆیشتوەوە هەیە، ئەو لایەنانەش لەڕوی سیاسییەوە کاردەکەن بۆ دروستکردنی کێشە بۆ ئەوەی هەر هەوڵێکی چاکسازیی لەلایەن حکومەتەوە شکستپێبهێنن، هەر لەبەر ئەمەشە دەبینین کە سەرەڕای هەموو هەنگاوەکانی حکومەت قەیرانی دۆلار هەر بەردەوامەو نرخی دۆلار لەبازاڕی ڕەش لەگەڵ نرخی فەرمیی جیاوازە".

نزیکەی دوو ساڵە نرخی ئاڵوگۆڕی دراو سەقامگیر نەبوە، سەرەڕای ڕێوشوێنی زۆر لەلایەن حکومەتەوە لەپێناو کۆنترۆڵکردنیدا، بەڵام هەموو ئەو ڕێوشوێنانە شکستیانهێناوە، کە بەلای چاودێرانەوە بەهۆی پاراستنی سیاسیی بۆ دۆلاری ڕەشەوەیە.

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×