ئاوات شێخ جەناب: وردبینی بۆ داتاو زانیارییەکانی‌ وەزارەتی دارایی كراوه‌و هەموو رێکارەکان جێبەجێکراون
  2024-01-29     


ئاوات شێخ جەناب، وەزیری دارایی‌و ئابوریی حکومەتی هەرێمی کوردستان ده‌ڵێت، وردبینی بۆ داتاو زانیارییەکانی‌ وەزارەتی دارایی كراوه‌و هەموو رێکارەکان جێبەجێکراون. جه‌ختله‌وه‌ش ده‌كاته‌وه‌ كه‌ لەگفتوگۆکانی ئەم دواییەی نێوانیان له‌گه‌ڵ به‌غدا، لەسەر هەموارکردنەوەی یاسای‌ بودجه‌ رێککەوتون.

ئاوێنه‌: ئەمڕۆ دووشەممە ئاوات شێخ جەناب به‌میدیای‌ سه‌رۆكی‌ حكومه‌تی‌ هه‌رێمی‌ ڕاگه‌یاندووه‌، وەزارەتی دارایی‌و ئابوریی هەرێمی کوردستان هەموو رێکارەکانی جێبەجێکردووە، هه‌مو ئه‌و داتاو زانیاریانه‌ی‌ حكومه‌تی‌ عێراق داوایانكردووه‌، له‌لایه‌ن دیوانی‌ چاودێری‌ دارایی هه‌رێم‌و عێراق وردبینی‌ بۆ كراوه‌و بۆیان ڕه‌وانه‌ كراوه‌.

له‌باره‌ی‌ واده‌ی‌ ناردنی‌ 618 ملیاره‌كه‌، ناوبراو وتی‌، وه‌كو حكومه‌تی‌ هه‌رێم‌و وه‌زاره‌تی‌ دارایی ڕۆژانه‌ له‌سه‌ر خه‌تن له‌گه‌ڵ نوێنه‌رایه‌تی‌ حكومه‌تی‌ هه‌رێم له‌به‌غداو وه‌زیره‌ كورده‌كانی‌ حكومه‌تی‌ عێراق‌و چاودێری‌ كاره‌كان ده‌كه‌ن، "ئومێد ده‌كه‌ین له‌م چه‌ند رۆِژه‌دا هه‌نگاوه‌كان خێراتر ده‌بێت‌و ئه‌نجامی‌ ده‌بێت".

رۆژی 14ی 1ی‌ 2024، ئەنجومەنی‌ وەزیرانی‌ عێراق بڕیاریدا بەپارەدارکردنی‌ هەرێمی‌ کوردستان بەبڕی 618 ملیارو 587 ملیۆن دینار بۆ موچەی مانگی کانونی دووەمی 2024، به‌ڵام تائێستا ئه‌و پاره‌یه‌ نه‌گه‌یشتۆته‌ ده‌ست وه‌زاره‌تی‌ دارایی هه‌رێم.

هه‌رچه‌نده‌ وه‌زاره‌تی‌ دارایی حكومه‌تی‌ عێراق له‌ڕێی‌ په‌رله‌مانتارانی‌ لیژنه‌ی‌ داراییه‌وه‌ ئاماژه‌ بۆ نه‌ناردنی‌ داتاو لیستی‌ موچه‌خۆرانی‌ هه‌رێم ده‌كه‌ن له‌لایه‌ن حكومه‌تی‌ هه‌رێمه‌وه‌ بۆ به‌غدا، به‌ڵام به‌رپرسانی‌ هه‌رێم جه‌خت له‌ناردنی‌ لیسته‌كه‌ ده‌كه‌ن بۆ وه‌زاره‌تی‌ دارایی عێراق‌و به‌رده‌وام پابه‌ندبونی‌ خۆیان به‌ڕێككه‌وتنه‌كانی‌ نێوان هه‌ردو حكومه‌ت ده‌رده‌بڕن.

له‌باره‌ی‌ هه‌نگاوه‌كانی‌ هه‌مواركردنی‌ یاسای‌ بودجه‌ی‌ عێراق، ئاوات شێخ جەناب ده‌ڵێت، "یاسای بودجە ستەمێکی گەورەی لەهەرێمی کوردستان کردووە، حکومەتی فیدراڵیش درکی بەو ستەمە کردووە، لەگفتوگۆکانی ئەم دواییەی نێوانمان لەسەر هەموارکردنەوەی یاساکە رێککەوتوین."
 

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×