گرێ کوێرەی دانوستانەکانی ئەتۆمیی ئێران

سەروەت هەڵەبجەیی
  2022-09-09   

ئەگەرچی چاوەڕوان دەکرا بە پێی نەرمی نواندنی ئێران و هەلومەرجی نێودەوڵەتی بە تایبەت شەڕی ئۆکرانیا و پێویستی وڵاتانی ئەورووپی بە وزە، ڕێکەوتنی ئەتۆمیی ساڵی 2015 ی ئێران سەر لە نوێ چالاک بکرێتەوە و لە چوارچێوەی ڕێکەوتنێکی نوێدا واژۆی لە سەر بکرێت، بەڵام لە پاش ئاڵوگۆڕی وەڵامەکانی ئەمریکا و ئێران بۆ دەقی ئامادەکراوی ئەورووپی، هیوایەک لانیکەم لە ئێستادا بۆ واژۆکردنی ڕێکەوتنەکە نەماوە.
بۆ ئەمەش دەتوانین ئاماژە بە چەندین هۆکار بدەین:
یەکەم: ئەمریکا ئیرادەیەکی ئەوتۆی بۆ چالاککردنەوەی ڕێکەوتنی ئەتۆمی نییە، ڕەنگە ئەمە بە هۆی هەلومەرجی ناوخۆیی ئەمریکا و هەڵبژاردنەکانی کۆنگرێس و تەنانەت هەڵبژاردنەکانی داهاتووی سەرۆک کۆمارەوە بێت، دیمۆکراتەکان دەزانن کە کۆماریخوازەکان دەیانەوێت ئەمە وەک کارتێکی بەهێز لە دژیان بەکار بێنن، لە لایەکی دیکەوە ئەزموونی سەردەمی ترەمپ و کشانەوە لە ڕێکەوتنی ئەتۆمی وایکردووە کە پێویستی بە پاڵپشتی کۆنگرێس بێت و ئەمەش بۆ بایدن ناکرێت و تەنانەت ئێرانیش وەک مەرجێک باسی کردووە کە نابێت سەرۆک کۆماری داهاتووی ئەمریکا – کۆماریخواز یان دیمۆکرات – لە ڕێکەوتنەکە بکشێتەوە. ئەڵبەت دەبێت هەوڵەکانی ئیسرائیل بۆ ڕێگری لە هەر ڕێکەوتنێک لە گەڵ ئێرانیش باس بکرێت کە لە ڕێگای ئەمریکاوە دەکرێت.

دووەم: هەندێک لایەنی ناوچەیی و نێودەوڵەتی لە پێناو بەرژەوەندییەکانی خۆیان ڕێکەوتنەکەیان وەک بارمتە گرتووە. بۆ نموونە، ئەگەر چین و ڕووسیا بەرژەوەندییەکانیان دابین نەکرێت پاڵپشتییەکی بەهێز لەم ڕێکەوتنە ناکرێت. لە ئاستی ناوچەکەش، وڵاتانی عەرەبی دژی ئەوەن ئێران بە سەربازی بێت یان ئاشتیخوازانە، دەستی بە وزەی ئەتۆمی بگات و ئەمەش بە هۆکاری زیاتربوونی هەژموونی ئێران دەزانن، بۆ ئەمەش هەوڵەکانیان بە ئاراستەی شکستی دانوستانەکان دەستپێکردووە، بە تایبەت ئەوەی کە هاوئاهەنگییەک لە نێوان ئەوان و ئیسرائیل لە دژی تاران دەبینرێت.

 

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
ره‌حمان غه‌ریب بۆ میدیاكانی پارتی و یه‌كێتی: شەڕی تۆخكردنی زۆنچێتی و كۆنەقین بوەستێنن
سوپای پاسداران: درۆنێكی ئه‌مریكیمان له‌ ئاسمانی گه‌روی هورمز تێكشكاند
© 2026 Awene Online, Inc. All Rights Reserved.
×