چاکسازی چۆن دەکرێ‌و بەکێ دەکرێ؟

بەهادین نوری
  2019-11-14   
 لەم ماوەیەدا دەسەڵاتدارانی هەرێم قسە لەسەر چاکسازی دەکەن و خەریکن پرۆژەیەک ئامادە بکەن و بیخەنە بەرباس و لیدوان لەپەرلەمانی هەرێمدا . خۆ ئەگەر تۆبەیان بکردایە لەو هەموو خراپسازیەی کە دەیەها سالە سەرگەرمی بوون ، هاولاتیان چەپڵەیان بپ لێدەدان . بەلام ئەمانە شتی وا دەکەن ؟ ئەو کەسانەی قاڵبووە لەخراپسازیدا و تائەم چرکەیەش دەسیان لێنەپاراستووە ، ئاخر چاکسازی چیەو ئەوان چۆنی دەکەن ؟ ئەوان تۆمەتبارن بە لووشدانی دەیەها ملیار دۆلار کە لەبووجەی هەرێم و سامانی ئەم میللەتە براوە . دەبا نیوەی ئەو پارە براوە بگێرنەوە بۆگەنجینەی هەرێم و بڵێن : 
     - خەڵکینە ئێمە هەلەبووین ، لێمان ببورن .... ئەوە بەشێ لەو پوول و پارەی بردوومانە . 
      زۆرینەی ئەم خەڵکە لێیانخۆشدەبن و دەڵێن وەڵلا ڕاستدەکەن ، ئەوە چاکسازیە . بەلام لە کاتێکدا کە تائەم چرکە یەش لەگەڵە ئەنگوستی پێیانەوە تا تەوقی سەریان نوقمبن لەخراپسازیدا چ چاکسازیەکیان پێدەکرێ و کێ باوەڕیان پێدەکات ؟ 
      نەخێر کاکە ، چاکسازی بەو کەسە ناکرێ کە ‌‌ژیانی خۆی تێکە ڵکردووە بە خراپسازی و تا ئەم چرکەیەش هەموو حساباتی دارایی میری و وڵاتی خستۆتە تاریکی و سوورە لەسەر ئەوە کە نەپەرلەمان نەڕاگەیاندن و نە کەس دەزانی چ پوول و پارەیەکی هاتۆتە دەست و چۆنی خەرج کردووە ! 
      ئاخر ئەگەر جاکسازی لەم ولاتەدا هەبوایە پاش ٢٨ ساڵ لە حکومڕانیتان کارەبای ئەم خەڵکە ئاوەها دەبوو ؟ خزمە تگوزاریەکان ئاوەها دەبوون ؟ پرۆژەکانی ئاوەدانکردنەوە ئاوە ها دەبوون ؟ بێکاری و بێدەرەتانی هێندە بەربڵاو دەبوون ؟ ئەگەر دەتانەوێ چاکسازی ڕاستە قینە بکەن ئەوە باشترین چاکسازی یەکشتە : دەستهەڵگرن لە گەندەڵکاری و لە قۆرخکاری دەسەلات ، ڕێگە بەدەستاو دەستی دەسەڵات بدەن . حکومڕانانی ئیسلامی شیعە لیپن لەگەندەڵکاری و میلیشیاگەری و جۆرەها لە خراپسازی . بەڵام هێشتا لە ئێوە ئەهوەنترن : لەماوەی ١٠ ساڵدا ٣ سەرەکوەزیر لە بەغدا گۆڕان ، بەڵام لای ئێوە لە ٣٠ ساڵدا هەمان دەموچاو ! 
      حەزدەکەم لێرەدا بە خوێنەران بڵێم کە بەڕێز سەردار محەمەد لە(ئاوێنە)دا شتێکی جوانی بڵاوکردۆتەوە بەناوی (کاک مەسرور شایستەی خەڵاتی "نۆبڵ"ە!)، بەخیلی بە دەست و قەلەمە بە پێزەکەی دەبرێ. 
زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
ره‌حمان غه‌ریب بۆ میدیاكانی پارتی و یه‌كێتی: شەڕی تۆخكردنی زۆنچێتی و كۆنەقین بوەستێنن
سوپای پاسداران: درۆنێكی ئه‌مریكیمان له‌ ئاسمانی گه‌روی هورمز تێكشكاند
© 2026 Awene Online, Inc. All Rights Reserved.
×