ئەمڕۆ پێنجشەممە نرخی نەوت لە بازاڕەكانی جیهان بەردەوامە لە دابەزین و نرخی یەك بەرمیل نەوتی خاو ٧٩ دۆلار و ٦٤ سەنتە و نرخی یەك بەرمیل خاوی تێكساس بە ٧١ و ٤٥ سەنت مامەڵەی پێوەدەكرێت.
بەپێی بۆرسەی جیهانی ئەمڕۆ لە بازاڕەكانی جیهان نرخی یەك بەرمیل نەوتی خاوی برێنت بە ٧٩ دۆلار مامەڵەی پێوە كرا لەكاتێكدا دوێنێ بە ٨١ دۆلار و ٥١ سەنت مامەڵەی پێوە دەكرا و ڕۆژی سێ شەممە بە ٨٤ دۆلار و ٥٠ سەنت مامەڵەی پێوە دەكرا.
هاوكات نرخی یەك بەرمیل نەوتی خاوی تێكساس ئەمڕۆ بە ٧٧ دۆلار و ١٥ سەنت مامەڵەی پێوە دەكرێت ئەمەش لە كاتێكدایە دوێنێ بە ٨٥ دۆلار و ٥١ سەنت مامەڵەی پێوە دەكرا، بەراورد بە دوو ڕۆژی ڕابردوو نرخی یەك بەرمیل نەوتی تێكساس زیاتر لە سێ دۆلار دابەزیوە.
هەر بەپێی بازاڕی ئابووری جیهانی ئەمڕۆ پێنج شەممە زێڕ دابه‌زینی زیاتری به‌خۆیه‌وه بینی و یه‌ك ئۆنسه به هه‌زار و ٩٤٨ دۆلاره لەكاتێكدا لە دوو ڕۆژی ڕابردوو یەك ئۆنسە بە هەزار و ٩٩٢ دۆلار مامەڵەی پێوە دەكرا.
ڕێكخراوی ئۆپیك سەبارەت بە هەڵكشان و دابەزینی نرخی نەوتەوە باسی لەوە كردووە، كەمكردنەوەی بەرهەمهێنانی نەوت لەلایەن وڵاتانی ڕووسیا و سعودییەوە دەبێتە هۆی كەمكردنەوەی بەرهەمهێنانی ڕێژەی نەوتی پێویست بۆ ئەمساڵ.