ناهیدە، یەكەمین ژنی كورد كە لە١٩٥١دا بۆ خوێندنی زانکۆ چوە ئەمەریكا
  2019-06-20     


ئا: ئاوێنە


نوسەرو لێكۆڵەر "ناهیدە رەفیق حیلمی"، ئەمڕۆ 19/6/2019، لەتەمەنی 91 ساڵیدا لەشاری سلێمانی کۆچی دواییکرد، ئەو بەیەكەمین ژنی كورد دادەنرێ كە لە١٩٥١دا بۆ خوێندنی زانکۆ چوە ئەمەریكا . 

ناهیدە، كە وەك باس دەكرێ‌ رەفیق حلمی باوكی بەناوی یەكێك لەپیرۆزییەكانی ئایینی زەردەشتیەوە ناوی ناوە "ئەناهید"، لەژنە هەرە روناكبیرە گەورەكانی سەدەی بیستەمی كورد بو.


ناهیدە كە ساڵی 1928 لەشاری كەركوك لەدایكبوە، لەناوەڕاستی سەدەی بیستەمدا كاتێك تەمەنی 20 ساڵ بوە وەك یەكەمین ژنی كورد چوەتە بەیروتی پایتەختی لوبنان‌و لەجونێر كۆلیژی ئەمەریكی خوێندویەتی‌و لە22 ساڵیدا بڕوانامەی بەكالۆریۆسی لەجوغرافیادا لەزانكۆی "كلارك" لەئەمەریكا وەرگرتوە. پاشان بۆ ماوەی چوار ساڵ لەسویدو هۆڵەندا خوێندویەتی‌و لەتەمەنی 34 ساڵیدا بڕوانامەی ماستەری لەزانكۆی كلارك "پەیوەندی نێودەوڵەتی" بەدەستهێناوە. 


ناهیدە زمانەكانی عەرەبی و ئینگلیزی‌و فەڕەنسی و سویدی و توركی زانیوە.


ناهیدە كە چەندین كتێب‌و فەرهەنگ‌و وتاری بەزمانی كوردی‌و ئینگلیزی‌و عەرەبی نوسیوە، سەرتاسەری جیهان گەڕاوەو لەیاداشتەكانیدا باسی گەشتەكانی دەكات.



ناهیدە كە لەژیانیدا هاوسەرگیری نەكردبو، دو ساڵ لەمەوبەر لەشاری بەغداوە گەڕایەوە كوردستان‌و لەسلێمانی دەژیا.


زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
"ماسکیزم"، چۆن ئیلۆن ماسک بوو بەهێمای سەردەمی ئێمە؟
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×