پوتین پێش ترەمپ گەیشتە چین
  2026-11-17     
ساتی گەیشتنی ڤلادیمیر پوتین بۆ چین

ئەمڕۆ سێشەممە سەرۆکی ڕوسیا گەیشتە شاری شێنجن بۆ بەشداریکردن لە لوتکەی زەریای هێمن (APEC)، کە چاوەڕوان دەکرێت سێ سەرۆکەکە یەکەم کۆبوونەوەیان بەشێوەی سێقۆڵی ئەنجام بدەن.

 

ئاوێنە: ئاژانسی هەواڵی ئەنادۆڵوو بڵاویکردەوە، ڤلادیمیر پوتین، سەرۆکی ڕوسیا، گەیشتە شاری شێنجن لە چین بۆ بەشداریکردن لە لوتکەی هاوکاری ئابووری ئاسیا و زەریای هێمن (APEC)، کە بەپێی بەرنامەکەی، گفتوگۆی سێقۆڵی لەگەڵ دۆناڵد ترەمپ، سەرۆکی ئەمریکا و، شی جینپینگ، سەرۆکی چین، ئەنجام دەدات.

هاوکات، فڕۆکەی سەرۆکی ڕوسیا لە فڕۆکەخانەی بائۆئان دابەزی و گەیشتنەکەی بە ڕاستەوخۆ لە تەلەڤیزیۆنی ڕوسیا پەخش کرا.

سەردانەکەی ناوبراو، ڕۆژانی چوارشەممە و پێنجشەممە بەردەوام دەبێت، یەکەم کۆبوونەوەی سێقۆڵی نێوان ئەو سێ سەرۆکە دەبێت.

لایخۆیەوە یوری ئۆشاکۆڤ، ڕاوێژکاری سیاسەتی دەرەوەی کرێملین، ئەم گفتوگۆیانەی بە گرنگییەکی زۆر وەسفکرد و ئاماژەی بە هاوکاریی ئەو سێ وڵاتە لە جەنگی جیهانیی دووەم و دامەزراندنی نەتەوە یەکگرتووەکان دوای ئەو جەنگە کرد.

هەروەها کرێملین هەوڵ دەدات دوای کۆبوونەوەکە، بەیاننامەیەکی هاوبەش لەلایەن هەرسێ وڵاتەوە رابگەیەنێت.
 

زۆرترین بینراو
© 2026 Awene Online, Inc. All Rights Reserved.
×