بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان، پێشبینییەکانی ڕەوشی کەشوهەوای بۆ ئەمڕۆ و سبەی بڵاوکردەوە و ڕایگەیاند، ئەمڕۆ پلەکانی گەرما کەمێک بەرز دەبنەوە، بەڵام سبەینێ بەهۆی کاریگەریی نزمەپاڵەپەستۆیەکەوە لە چەند ناوچەیەکی هەرێم نمەباران دەبارێت و پلەکانی گەرماش ڕوو لە دابەزین دەکەن.
ئاوێنە: لە ڕاگەیەندراوێکی بەڕێوەبەرایەتیی کەشناسی و بوومەلەرزەزانیی هەرێمی کوردستاندا هاتووە، ئەمڕۆ سێشەممە، ئاسمانی ناوچەکانی هەرێم بەگشتی نیمچەهەور دەبێت و پلەکانی گەرما بەراورد بە تۆمارکراوەکانی دوێنێ بەرزبوونەوە بەخۆیانەوە دەبینن. سەبارەت بە خێرایی با، کەشناسی ئاماژەی بەوە داوە کە لەسەرخۆ دەبێت و لەنێوان 10 بۆ 15 کیلۆمەتر لە کاتژمێرێکدا دەبێت، ئاڕاستەکەشی بەرەو باکووری ڕۆژهەڵات دەبێت.
بەرزترین پلەکانی گەرمای پێشبینیکراو بۆ ئەمڕۆ سێشەممە بە پلەی سیلیزی:
هەولێر: 30 پلەی سیلیزی
پیرمام: 26 پلەی سیلیزی
سلێمانی: 28 پلەی سیلیزی
هەڵەبجە: 31 پلەی سیلیزی
چەمچەماڵ: 30 پلەی سیلیزی
دهۆک: 28 پلەی سیلیزی
زاخۆ: 30 پلەی سیلیزی
ئاکرێ: 30 پلەی سیلیزی
گەرمیان: 34 پلەی سیلیزی
حاجی ئۆمەران: 20 پلەی سیلیزی
لە بەشێکی دیکەی ڕاگەیەندراوەکەدا سەبارەت بە کەشوهەوای سبەی چوارشەممە، کەشناسیی هەرێم ڕوونی کردووەتەوە کە ئاسمان لەنێوان پەڵەهەور و نیمچەهەوردا دەبێت، هاوکات هەرێمی کوردستان دەکەوێتە ژێر کاریگەریی نزمەپاڵەپەستۆیەک کە سەرەتا لەسەر ناوچە سنوورییەکان بە شێوەی نمەبارانی پچڕپچڕ دەردەکەوێت.
بەگوێرەی پێشبینییەکان، لە کاتەکانی نیوەڕۆ و دوانیوەڕۆی سبەینێدا، نمەباران لە ناوچە جیاجیاکانی سنووری ئیدارەی سەربەخۆی زاخۆ، پارێزگای دهۆک، ناوچە شاخاوییە بەرزەکانی پارێزگای هەولێر و بەشێک لە سنووری ئیدارەی سەربەخۆی سۆران دەبارێت. لە هەمان کاتدا، لە سنووری پارێزگاکانی سلێمانی، هەڵەبجە و کەرکووک ئاسمان بەردەوام نیمچەهەور دەبێت.
بەرزترین پلەکانی گەرمای پێشبینیکراو بۆ سبەی چوارشەممە بە پلەی سیلیزی:
هەولێر: 27 پلەی سیلیزی
پیرمام: 24 پلەی سیلیزی
سلێمانی: 26 پلەی سیلیزی
هەڵەبجە: 27 پلەی سیلیزی
چەمچەماڵ: 28 پلەی سیلیزی
دهۆک: 24 پلەی سیلیزی
زاخۆ: 25 پلەی سیلیزی
ئاکرێ: 26 پلەی سیلیزی
گەرمیان: 32 پلەی سیلیزی
حاجی ئۆمەران: 18 پلەی سیلیزی