میدیای تورکیا بڵاویکردەوە، دەوڵەت باخچەلی، سەرۆکی مەهەپە لەڕێگەی تەلەفۆنەوە پەیوەندیی بە سەڵاحەدین دەمیرتاش، هاوسەرۆکی پێشوتری هەدەپەوە کردوە و قسەیان کردوە.
ئاوێنە: ئێوارەی ئەمڕۆ یەكشەممە، میدیای توركیا لە زاری ناگەهان ئالچی، شرۆڤەكاری نزیك لە ئاكەپەوە بڵاویكردەوە، دەوڵەت باخچەلی لەڕێگەی تەلەفۆنەوە پەیوەندی بە سەڵاحەدین دەمیرتاشەوە كردوە لە زیندان و گفتوگۆیان كردوە.
وتیشی، رۆژی پێنجشەممە دەوڵەت باخچەلی پەیوەندیشی بە تونجەر باکرهان، هاوسەرۆکی دەم پارتییەوە کردوە و پێیوتوە، بەیەکەوە تورکیا بە دیموکراسی دەکەین. بەگوێرەی ئەو زانیارییانەی بە من گەیشتون، باخچەلی پەیوەندیی بە سەڵاحەدین دەمیرتاشیشەوە کردوە.
بەڵام تاوەكو ئیستا دەم پارتی ئەو زانیارییانەی پشتڕاست نەكردونەتەوە.