سوپای ئیسرائیل بڵاوی کردەوە، لە هێرشێکی سوپای ئیسرائیل سێ فەرماندەی حزبوڵا کوژران، دەشڵێت: هێرشەکە بۆ سەر بارەگایەکی هەواڵگریی حزبوڵا ئەنجامدراوە.
سوپای ئیسرائیل سەبارەت بە کوژرانی سێ فەرماندەی حزبوڵای لوبنانی لە بەیروتی پایتەختی لوبنان ڕاگەیاندراوێکی بڵاوکردەوە كه تیایدا هاتووە، ئەمڕۆ لە هێرشێکی سوپای ئیسرائیلدا بۆ سەر بارەگایەکی سەرەکی هەواڵگریی حزبوڵای لوبنانی و کارگەیەکی ژێرزەمینی درووستکردنی چەک لە بەیروتی پایتەختی لوبنان سێ فەرماندەی حزبوڵا کوژران.
ئاماژە بەوەشکراوە، فەرماندە کوژراوەکانی حزبوڵای لوبنانی بریتین لە، عەباس سەلیمە بەرپرسی باڵای فەرماندەیی باشووری گرووپەکە و ڕەدا عەباس ئاوادە شارەزای پەیوەندییەکان و ئەحمەد عەلی حسێن بەرپرسە لە پەرەپێدانی چەکی ستراتیژی گرووپەکە.
جێی باسە، تا ئێستا حزبوڵای لوبنانی لەبارەی کوژرانی هەر سێ فەرماندەکەی هیچ ڕاگەیاندراوێکی بڵاونەکردووەتەوە.