سەرۆکی ئەمریکا رایگەیاند، ئەمریکا پابەندە بە ئاسایشی ئیسرائیل و پاراستنی لە هەرەشەکانی ئێران.
ئاوێنه: کۆشکی سپی لە بەیاننامەیەکدا بڵاویکردەوە: جۆ بایدن سەرۆکی ئەمریکا پەیامێکی بۆ کۆنگرێس ناردووە سەبارەت بە سیستەمی بەرگری ئاسمانی THAAD کە ئەمریکا بۆ ئیسرائیلی ناردووە و تێیدا پابەندبوونی ئەمریکای بە ئاسایشی ئیسرائیل دووپاتکردووەتەوە.
بایدن لە پەیامەکەیدا جەختی لە پشتیوانی سەربازیە جۆراوجۆرەکانی وڵاتەکەی کردووەتەوە بۆ ئیسرائیل، وەک ناردنی گەشتی فرۆکەهەڵگری یوو ئێس ئێس تیۆدۆر رۆزفێڵت بۆ وڵاتەکە.
سەرۆکی ئەمریکا ئاماژەی بەوەشکردووە: بەردەوام دەبین لە پاراستنی پێگەی خۆمان لە رۆژهەڵاتی ناوەڕاست بۆ خزمەتکردنی بەرژەوەندییە نیشتمانییەکانی و رووبەڕوبوونەوەی ئێران و هەڕەشەکانی