قوڵایی ستراتیجی لە كوێی راپرسی و سەربەخۆییدایە؟

عیماد عه‌لی
  2023-03-03   

بنەماكانی قووڵایی ستراتیجی خۆی لە؛ هاوسەنگی نێوان ئاسایش و ئازادی و باوەرٍبوون بە پەیوەندیی بەتینی بێ پچرٍانی نێوان لایەن و پێكهاتەكان و نەبوونی كێشە و گرفت و پرسی گرنگ و كاریگەریی هاوبەشی هەمووان لەسەر سیاسیەتی گشتی و هەماهەنگی هەمەرەهەندی هەنگاوەكانی سیاسەتی وڵاتەكە  و یەك ئامانجیی میلەت و گرتنەبەری رێگەی ئاشتی و ئارامی و لەیەك تێگەیشتن و چارەسەركردنی بنەرٍەتی ناكۆكیە ریشەییە مەبدەئیەكانی نێوان هەمووان، دەبینێتەوە.
تۆیەك لە بنەرٍەتدا گەل و نیشتمان و قەوارە و مێژوو و جوگرافیایەكت هەبێت و خاوەن مافی دەوڵەتی خۆت و قەوارەی تاتیبەتی خۆت بیت و مافت خورابێت و وڵاتەكەت داگیركرابێت و نەتەوەی سەردەست جێگەی بە ئازادیت لەق كردبێت و دیدگای هاوبەشی خودپەسەندت لەگەڵ ئەویتردا نەبێت و سیاسەتی ناوەندیی بەشیك بێ قەناعەتی تەواوی تۆ  بەسەرتدا سەپێنرابێت و خۆت بە خاوەن مافی سەرەكی راپرسی و پێكهێنانی دەوڵەت بزانیت و لە وڵاتێكدا بیت هیچ بنەمایەكی قووڵایی ستراتیجی لەگەڵ واقیعی ژیانی میلەتەكەی تۆدا نەگونجێت، تۆ چۆن قووڵایی ستراتیجی خۆت دەخوێنیتەوە و لە خۆرٍاو بۆ مەبەستی سیاسی و قازانجی كاتی و خودی و حزبی خۆت بە قووڵایی ستراتیجی جێگایەك دەبەستیتەوە كە تەنانەت هیچ پەیوەندییەكی ئاسایی سیاسی و كۆمەڵایەتی و ئابووریت لەگەڵیدا نیە؟ 
ئەگەر بەرٍاستی خۆت بە هاوبەشیی سیاسی و خاوەن یەك قوولایی ستراتیجی بە عیراقێكەوە دەبەستیتەوە، دەبێت پێش هەموو شتێك پەشیمانی خۆت لە راپرسی و پەنجە گەزینت لە هەنگاو و ئیدعاكانی دوێنی رابگەیەنیت و ئینجا پەنا بەریت بۆ پایتەختی وڵاتێك كە بە رەزامەندی و قەناعەتی تەواوەوە ،بواری پێكەوەژیانی گەلەكەت لەگەڵا ئەودا نیەو ناچار كراوە بە خۆبەستنەوەی بەو ناوەندێكەوە كە تۆ قووڵایی ستراتیجیەكەت بەوەوە دەبەستیتەوە و ئەو بێمنەتە لە تۆیەكی خۆ بەكەمزان.  

 

وتاری زیاتر

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
ره‌حمان غه‌ریب بۆ میدیاكانی پارتی و یه‌كێتی: شەڕی تۆخكردنی زۆنچێتی و كۆنەقین بوەستێنن
سوپای پاسداران: درۆنێكی ئه‌مریكیمان له‌ ئاسمانی گه‌روی هورمز تێكشكاند
© 2026 Awene Online, Inc. All Rights Reserved.
×