هۆكاری كێشه حزبیه هه‌نوكه‌ییه‌كان چیه؟
عیماد عه‌لی
2021-07-10 750
كۆمه‌ڵێك فاكته‌ری سه‌ره‌كی پێویست هه‌ن بۆ ئه‌وه‌ی زانستیانه
هه‌ر كه‌سێك ناوبنێێت فه‌رمانڕه‌وا یان نیمچه‌سه‌ركرده، بێگومان پێویستبونی گه‌نجینه
و زه‌خیره فكری و مه‌عریفی و رۆشنبیری تایبه‌ت له‌گه‌ل ئه‌زمونی ژیانی قووڵ كه
به‌رده‌وام چاودێری بیر و جموجوڵی تایبه‌تی تایبه‌تی گشتی خۆت ده‌كات و ئه‌گه‌ر له‌وباره‌وه
ده‌وڵه‌مه‌ند بویت له هه‌ڵه‌شه‌یی و ره‌فتار نابه‌جێ دوورت ده‌خاته‌وه. ئه‌مه
جگه له‌كاریگه‌ری په‌روه‌رده‌ی هه‌مه‌جۆری
خێزانی و كۆمه‌ڵایه‌تی و زه‌مینه‌ی به‌سه‌رچونی ژیان و به‌سه‌رهات و سه‌ربورده‌ی
ته‌مه‌نت.
جگه له‌وه‌ی زۆرینه‌ی كه‌سانی ده‌ستڕۆیشتووی ئه‌مڕۆ،
زۆر هه‌ژارن له‌م مه‌رجه پێویستانه و ململانێش زیاتر له سه‌ر به‌رژه‌وه‌ندیی ته‌سكی
كه‌سی و بازنه‌ی بچوك و ته‌كتول خۆی فه‌رزكردووه له‌سه‌ر به‌ناوسه‌ركرده‌ی ناوحزبه‌كاندا، زاڵبونی ده‌ستی ده‌ره‌كی و فه‌رمانی
ئه‌مو ئه‌ویش خۆی فه‌رزكردووه به‌سه‌ریاندا، بۆیه ده‌بێت چاوه‌ڕێی هه‌ر كێشه و
ئاڵۆزیه‌كی بیت له هه‌ر چركه‌ساتێك و له
نێو هه‌ر رێكخراو و حزبێكی كوردستاندا بێت. ئه‌وه‌ی جێگه‌ی داخه كه میله‌ته‌كه‌ش
گیرۆده‌ی ئه‌م ئالنگاریه‌یه و جگه له قه‌یرانه زلوزه‌به‌لاحه‌كانی دیكه ئه‌م
به‌دبه‌ختیه‌ش هاتۆسه‌ری و بواری راسته‌ڕیكردنی وه‌زعه سیاسیه‌ی نه‌هێشتۆته‌وه.
ئه‌وه‌ی له كوردستاندا تێپه‌ڕیوه، تا ئێستا جێده‌ستی
كۆمه‌ڵێك سه‌ركرده‌ی ركابه‌ری هه‌لتۆقیوی ده‌ردانی مێژووه‌كه‌یه‌تی. پێشتر سه‌ره‌ڕای تاڕاده‌یه‌كی بوونی سه‌ركرده‌ی پڕئه‌زمون
و تا خاوه‌ن شاره‌زایی و ئه‌زمونی ته‌مه‌ن و قاڵبوی كۆڕی خه‌باتی سه‌خت و ده‌رچووی رێڕه‌ویقورس و ئاسته‌نگ و ته‌نگه‌به‌ریه‌كانی
ژیان. به‌دبه‌ختیه‌كه له‌وه‌دایه ئه‌مڕؤ ئه‌وانه‌ش نه‌ماون و ماڵڕیكخه‌ر له شه‌ڕكه‌ر
بێ ئه‌زمونتر و فه‌ریكه‌سیاسیتره.
تۆیه‌ك چركه‌یك وه‌زعی كوردستان نه‌خوێنیته‌وه و ده‌ردانی
كارو كرده‌وه و بڕیاره‌كانت له‌به‌رچاو نه‌گریت و نه‌زانیت كاریگه‌ریه لاوه‌كیه‌كانی
چبه و چۆن ده‌بێت و ته‌نها توله‌راسته‌رێیه‌كی باریك بگریته‌به‌ر و وه‌كو ئه‌سپێكی لغاوكراوی بێ ده‌ربه‌ست رووه و
پێشه‌وه بڕۆیت بێ ئه‌وه‌ی چاڵوچۆڵی و كۆسپ وته‌گه‌ره‌كانی به‌رده‌مت له‌به‌ر چاوبگریت،
چاوه‌ڕیی خێرت لێناكرێت و هه‌میشه به فه‌رمانی غه‌ریزه ده‌ڕۆیت، به‌تایبه‌تی ئه‌گه‌ر تموحی گه‌وره به‌رچاوی گرتبیت و ئه‌زمونی قووڵ و درێژی ژیانت نه‌بێت و هیچ
شتێكیتر جگه له ئاره‌زوو و داواكاریه‌كانی ناخی خوت نه‌بێت و له‌وباره‌وه خۆتت نه‌خوێندبێته‌وه.
ئه‌زمونی هاوسه‌رۆكی له كوردستان له‌سه‌ر بنه‌مای
چاولێكه‌ری و خاترگرتنی ركابه‌ر و كێبڕكێكاران هاتۆته ئاراوه، نه‌ك به پاڵنه‌ر
و بریاردان به گوشاره‌ی كۆی بیری كۆمه‌ڵی حوكمڕان، بۆیه له رووی سایكۆلۆجیه‌وه
به‌رده‌وام هاندانی غه‌ریزی بۆ ئاڵۆزی و ناكۆكی له ده‌روونی خه‌ڵكانی كه‌مئه‌زمون
یان فه‌ریكه سیاسی له ئارادایه و به بێ سڵكردنه‌وه بریارێك ده‌ده‌ن كه به
زیان بۆ سه‌رجه‌م گه‌له‌كه بكه‌وێته‌وه و به خۆشیان به به‌رزكی بانان لێده‌رده‌چن.
بۆیه، تۆی كورد و ژێره‌ده‌سته‌یی خودیی و فه‌رمانڕه‌وایه‌تیه‌كی
له‌م جۆره، ده‌بێت به‌رده‌وام ده‌ستت له‌سه‌ر
دڵت بێت و ئه‌وه‌ی مه‌عقول نیه چاوڕێی بكه‌یت و باوه‌ڕت نه‌بێت رووه و چاكی بیت
و كێشه‌كان چاره‌سه‌ر بێت.