ته‌نها پرسیارێكی بێ مه‌به‌ست

عیماد عه‌لی
  2021-05-08   
وه‌ك ده‌زانین یه‌كه‌م جاره‌ وڵاته‌ زلهێزه‌كانی جیهان ئاوا به‌ توندی و به‌و شێوه‌یه‌ به‌ راشكاوی سه‌ركۆنه‌ی زیندانیكردنی رۆژنامه‌نوس و چالاكوانانی بادینانیان كرد و به‌ هه‌موو جۆرو شێوه‌ و ده‌ربڕینێك قسه‌یان له‌سه‌ر كرد، ئه‌مه‌ش له‌ لایه‌ك  جێگه‌ی خۆشحاڵیه‌ كه‌ دهسه‌ڵاتی هه‌رێم ده‌كه‌وێته‌ ژێر فشاری وڵاتان و ده‌كرێت بۆ دووباره‌ كردنه‌وه‌ی ئه‌م ره‌فتارانه‌ی له‌مه‌ودوا هه‌زار و یه‌ك حساب بكات، له‌ لایه‌كی تریشه‌وه‌  جێگای سه‌رسوڕمانه‌ بۆ چاودێران و خه‌ڵكی ساده‌ش، كه‌ بۆچی ئه‌م جاره‌ وا له‌و ره‌فتاره‌ی ده‌سه‌ڵاتی دادگه‌ری و ده‌سه‌ڵاتی جێبه‌حێكردنی هه‌رێم  ده‌ڕوانن و به‌ زووی و توندی وا هه‌ڵوێستیان وه‌رگرت؟

ئه‌وه‌ی له‌م ماوه‌یه‌ بۆته‌ خولیای بیركردنه‌وه‌م له‌م باره‌وه‌ و چه‌ندین پرسیار خۆی قوت ده‌كاته‌وه‌ و پێویستی به‌ وه‌ڵامه‌ و گرنگترینیان: خێره‌ وا بۆ یه‌كه‌مجار و به‌ توندی و ده‌ربڕینی و زاراوه‌ی توند كه‌ زۆرێكی دوور له‌ دیبلۆماسیه‌ت بێت به‌ناوی ده‌زگا دیبلۆماسیه‌كانی وڵاتانی جیهانه‌وه‌ هه‌ڵوێستی له‌م جۆره‌ ده‌ركه‌وێت و له‌ كاتی شه‌هیدكردنی رۆژناموسان سه‌رده‌شت عوسمان و كاوه‌ گه‌رمیانی و سۆرانی مامه‌حه‌مه‌ و ویداد بادینی و ئامانج و لانه‌ش  به‌و شێوه‌یه‌ قسه‌یه‌كی خێریان نه‌كرد، یان  هه‌ڵوستیان ده‌رنه‌بڕی یان قسه‌یه‌كی شه‌رمنانه‌یان له‌و باره‌وه‌ كرد؟ ئایا ته‌نها له‌به‌ر ئه‌وه‌ی ئه‌م قسانه‌ی كراون كه‌ گوایه‌ ناوی ئه‌و وڵاتانه‌یان هێناوه‌ و به‌ جاسوسی كردن بۆیان له‌ قه‌ڵه‌م دراون، ئه‌گینا ئه‌م بڕیارانه‌ش هیچ مه‌سه‌له‌یه‌ك نه‌بوو لایان؟
بۆیه‌، ده‌بێت به‌ وردی قسه‌ی ئه‌م وڵاتانه‌ بخوێنرێته‌وه‌ و هه‌ڵوێسته‌كانیان لێكبدرێنه‌وه‌ و راست له‌ گومان لێكراو جیا بكرێته‌وه‌. ئه‌گه‌ر پێشتر هیچ گومانێك له‌و چالاكوانانه‌ نه‌بوو و هه‌مووان به‌ یه‌قینی باوه‌ڕیان به‌وه‌ بوو كه‌ ئه‌م چالاكوانانه‌ ته‌نها قسه‌یان له‌به‌رژه‌وه‌ندی لایه‌نی ده‌سه‌ڵاتدار نه‌كردووه‌ و دژی وه‌ستاون بۆیه‌ سزا ده‌درێن به‌ دادگا به‌ڵام پاش هه‌ڵوێسته‌ تونده‌  ده‌گمه‌نه‌كانی ئه‌م وڵاتانه‌ی ناویان له‌ لێكۆڵینه‌وه‌ هاتووه‌ یان نه‌هاتووه‌، گومانێكی تر ده‌خاته‌ سه‌ر پرسه‌كه‌  ئه‌وانیش.

وتاری زیاتر

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
ره‌حمان غه‌ریب بۆ میدیاكانی پارتی و یه‌كێتی: شەڕی تۆخكردنی زۆنچێتی و كۆنەقین بوەستێنن
سوپای پاسداران: درۆنێكی ئه‌مریكیمان له‌ ئاسمانی گه‌روی هورمز تێكشكاند
© 2026 Awene Online, Inc. All Rights Reserved.
×