حووسییەكان فڕۆكەیەكی بێفڕۆكەوانی ئەمریكایان خستە خوارەوە
  2025-04-03       171       

حووسییەكانی یەمەن بڵاویان كردەوە، ئەمڕۆ فڕۆكەیەكی بێفڕۆكەوانی ئەمریكایان لە پارێزگای حودەیدیە خستەخوارەوە، دەشڵێن، بەردەوام دەبین لە ڕێگریی لە كەشتییەكانی ئیسرائیل لە هەردوو دەریای سوور و عەرەبی.

ئاوێنە: حووسییەكانی یەمەن سەبارەت بە خستنەخوارەوەی فڕۆكەیەكی بێفڕۆكەوانی ئەمریكی ڕاگەیاندراوێكیان بڵاوكردەوە کە تیایا هاتووە، لە وەڵامی دەستدرێژیی ئەمریكا بۆ سەر وڵاتەكەمان، ئەمڕۆ هێزی بەرگریی ئاسمانییمان فڕۆكەیەكی بێفڕۆكەوانی ئەمریكایان لە جۆری (MQ_9)ـیان لە ئاسمانی پارێزگای حودەیدیە خستە خوارەوە.

ئاماژە بەوەشكراوە، بەردەوام دەبین لە ڕێگریی لە كەشتییەكانی ئیسرائیل لە هەردوو دەریای سوور و عەرەبی.

لە كۆتایدا باس لەوەشكراوە، بەردەوامن لە پاڵپشتیی گەلی فەڵەستین تا دەستدرێژیی سەر غەزە دەوەستێت و گەمارۆی لەسەر هەڵدەگیرێت.

زۆرترین بینراو
© 2025 Awene Online, Inc. All Rights Reserved.
×