تورکیا، سوید، کوردو شەڕ لەئۆکرانیا!

توانا محەمەد نوری
  2023-07-11   

یەکێک لە لێکەوتەکانی شەڕی دڕندانەی ئۆکرانیا چڕ بوونەوەی دەسەڵاتە لە دەست کۆنەپەرستترین و دیکتاتۆرترین دەسەڵاتدارانی ناوچەکە وەکو پوتین، زیلێنسکی، ئەردوغان، لوکەشینکۆی رووسیای سپی و مۆراویسکی پۆڵەندا.

جگە لە ژمارەی زۆری کوشتن و وێرانکاری و دەربەدری لە خودی ئۆکرانیا، شەڕەکە بە خێرایی بووە هۆی سەرکوتکردنی ئازادی قسەکردن لەناو ڕووسیا، دەستگیرکردنی هەزاران خۆپیشاندەری دژی شەڕەکە و سەرکوتکردنی دەنگی ڕەخنەگرانەی میدیاکانی ناو ڕووسیا.

لە ڕۆژئاوا، پرۆسەیەکی هاوتەریب وایکردووە ئینتەرنێت لە جاران زیاتر سانسۆر بکرێت، پلاتفۆرم و ڤیدیۆی ڕەخنەگرانە لەسەر ناتۆ لەسەر بنەمای بەرەنگاربوونەوەی "زانیاری ناڕاست" لە تۆڕەکە لابراون، لەکاتێکدا دژایەتی ناتۆ بە شێوەیەکی کاریگەر لەناو پارتی کرێکارانی بەریتانیا سەرکوتکراوە.

هەروەها شەڕەکە بەکاریش دەهێنرێ بۆ ئەوەی داخوازی کرێکاران و خەڵکی کەمداهات بۆ زیادکردنی هەقدەست کەمبکرێتەوە بە بیانووی ئەوەی شکستپێهێنانی ڕووسیا پیش ژیان و گوزەرانی خەڵکی ناوخۆ دێت.

لێکەوتەیەکی تری شەڕەکە بەردەوامبوون و فراوانکردنی فەزای میلیتاریزەکردنی ئەوروپایە، هەروەها موزایەدەی تورکیایە لەسەر پەیوەستبوونی سوید بە ناتۆوە.

سەرۆک کۆماری تورکیا، ئەردۆغان، دژایەتی فراوانکردنی ناتۆ ناکات - تەنیا دەرفەتێک بۆن دەکات بۆ ئەوەی فشار بخاتە سەر سوید بۆ ئەوەی هاوکاری بکات لە سەرکوتکردنی کوردەکان.

وەسفکردنی هەندێ ئەندام پەرلەمانی سوید بە “تیرۆریست” ئاماژەیە بۆ سیاسەتمەدارانی بە ڕەچەڵەک کورد کە لەسەر کێشەی کورد قسەیان کردووە، وەک ئەمینەی کاکەباوە، پەرلەمانتاری پێشووی سوید. هەروەها ناڕەزایەتی دەربڕین بەرامبەر بە خۆپیشاندانەکان و وەسفکردنی بە "پشتیوانی لە تیرۆریستان"، واتە ئەو خۆپیشاندانانەی بۆ هاودەنگی لەگەڵ هێزەکانی ڕۆژئاڤا ئەنجام دەدرێ، ئەو هێزانەی ڕۆڵێکی سەرەکییان گێڕا لە شکستپێهێنانی دەوڵەتی ئیسلامی لە سوریا.

ناتۆش فشاری خستۆتە سەر سوید بۆ ئەوەی چارەسەری "نیگەرانی" ئەردۆغان بکات. دیارە ئەندامێتی سوید تەنها بە میلیتاریزەکردنی ئەوروپا کۆتایی نایەت، بەڵکو هێرشکردنە سەر مافەکانی خەڵک و بێدەنگکردنی هاودەنگی لەگەڵ گەلانی ستەملێکراویش، وەکو فەڵەستین و کورد، دەگرێتەوە.

وتاری زیاتر

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
ره‌حمان غه‌ریب بۆ میدیاكانی پارتی و یه‌كێتی: شەڕی تۆخكردنی زۆنچێتی و كۆنەقین بوەستێنن
سوپای پاسداران: درۆنێكی ئه‌مریكیمان له‌ ئاسمانی گه‌روی هورمز تێكشكاند
© 2026 Awene Online, Inc. All Rights Reserved.
×