پیسبونی ڕاگەیاندن

حسێن محمود
  2021-04-15   
پیسبون چەمکێکی ژینگەیی‌و بایۆلۆجییەو سەرچاوەکەی خودی مرۆڤە کە بەم کارە هەڵدەستێت، واتا فڕێدانی پاشماوەو پاشەڕۆ یان تێکدانی ژینگەی سروشتی بەئامانجێکی دیاریکراو، کەدواجار دەبێتە هۆی زیان گەیاندن بەدەوروبەرو تێکدانی جوانی‌و شێواندنی میزاجی مرۆڤ.

بەشێک لەدەزگاکانی ڕاگەیاندن ئەم ڕۆڵە دەگێڕن‌و هەڵدەستن بەتێکدان‌و شێواندنی میزاجی بینەرو گوێگرو خوێنەربە ئامانجێکی دیاری کراو لەڕێگەی:

١-ساختەکردنی ڕاستیەکان  ئەمەیان لەڕێگەی تەزویر کردنی ڕاستیەکانە بەئامانجێکی دیاری کراو. واتا دەرنەخستی ڕاستی وەک خۆی.

٢-شاردنەوەی ڕاستیەکان  شاردنەوەو پەردەپۆش کردنی ڕاستیەکان تاکو حەقیقەت‌و ڕاستی دەرنەکەوێت بۆنمونە لەکاتی جەنگدا لایەنە بەشەڕ هاتوەکان ژمارەی کوژراوو برینداری ڕاستەقینە دەشارنەوە.

٣-ئاوەژوکردنەوەی ڕاستیەکان 
واتا بەڕەوا کردنی ناڕەواوبەپێچەوانەشەوە کە ئامانجێکی سیاسی دیاری کراوی لە پشتە.

٤-شێواندن لەڕێگەی گۆڕینی درۆ بۆڕاستی بەشێوەیەکی بەرنامە بۆ داڕێژراو ڕوداوەکان دەشێوێنرێن، سەحافی وەزیری ڕاگەیاندنی عیراق، نمونەیە بۆئەم جۆرە.

٥-تێکەڵاوکردن‌و دروستکردنی تەمێکی ئیعلامی کەوەرگر نەتوانێ بەئاسانی لێکیان جیا بکاتەوە.

٦-پەردەپۆشکردنی ڕاگەیاندن 
داپۆشینی ڕوداوەکان لەهەندێ حاڵەتدا پەیڕەو دەکرێ بۆ ئەوەی ئەو ڕوداوانە ئەسڵەن هەر نەبینرێن.

٧-یاری کردن بەتێرم و چەمکەکان و بەکارهێنانی زمانێکی تایبەت لەڕاگەیاندن بەمەبەستێکی دیاری کراو، لەجەنگی هەشت ساڵەی لەگەڵ ئێراندا دەزگاکانی ڕاگەیاندنی عیراق لەسەرئەم شێوەیە کاریان دەکرد.

٨-بەکارهێنانی گوزارەی ئاینی بۆ مەبەستێکی دیاری، وەک ئەوەی کە لە ئیعلامی داعشدا بەدی دەکرێ.

٩-ڕشتنی ژەهری ڕاگەیاندن 
سازکردنی کۆرو کۆبونەوەو مێزگردی تایبەت بەئامانجێکی سیاسی، ئاینی، کۆمەڵایەتی، ڕۆشنبیری دیاریکراو لەدەزگاکانی ڕاگەیاندنەوە.

١٠- سازکردنی بەرنامەی ئاست نزم و بێناوەڕۆک و پیشاندانی شۆی خێزانی و تایبەت وسەرگەرمی بێ چێژو بێ جوانی و دور لە نۆڕم و سەلیقەی هونەری و ئیستاتیکی باڵاوتێکدانی میزاجی گشتی.

ئەو خاڵانەی کە لەسەرەوە ئاماژەم پێکردن بەشداری دەکەن لە پیس بونی میزاجی گشتی و تێکدانی ئارامی دەرونی و هەندێ جارفڕێدانی زبڵی ئیعلامی بۆ بەردەم چاوو گوێی وەرگر . بەڵام وەرگری وشیار هەمیشە هەڵدەستێ بەلەبێژینگدانی ئەم جۆرە ڕاگەیاندنانە.

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
ره‌حمان غه‌ریب بۆ میدیاكانی پارتی و یه‌كێتی: شەڕی تۆخكردنی زۆنچێتی و كۆنەقین بوەستێنن
سوپای پاسداران: درۆنێكی ئه‌مریكیمان له‌ ئاسمانی گه‌روی هورمز تێكشكاند
© 2026 Awene Online, Inc. All Rights Reserved.
×