ئیمڕۆ ئەو سبەی من!

د.هەژار مه‌عروف
  2019-10-12   
هێتلەر کە جڵەوی دەسەڵاتی گرتەدەست لەپێشا جولەکەکانی کوشت، ئینجا کۆمۆنیستەکانی کوشت، ئینجا سۆشیالدیموکراتەکانی کوشت ، ئینجا  زانا و هونەرمەند و ئەدیبە مرۆڤدۆستە ناسیاسییەکانی کوشت،ئینجا کەوتە گیانی مەسیحییەکان، کە لە ناو ئەڵمانیا هەموی بێدەنگ کرد ئینجا یەک لە دوای یەک کەوتە گیانی دراوسێکانی: نەمسا، چیکوسلافیا، بەلجیکا و هۆڵەندا و فەرەنسا دانیمارک و پۆلۆنیا، ئینجا خۆی گەیاندە میسر و ڕوسیا و ... ئەوەی ئێستا ئۆردوگان لە ناو تورکیا و لەگەڵ سوریا و عێراق دەیکات لە ڕوی واتا و ناوەڕۆکەوە ڕێک وەک ئەوەی هێتلەرە بەڵام بە حەجمێکی بچوکتر چونکە هەر ئەوەندەی لە دەست دێ.

ئۆردوگان یەک بەڵگەی پێنیە کە پێشمەرگەکانی یەپەگە لە ڕۆژاوای کوردوستانەوە دەسدرێژی بکەنە سەر تورکیا. خەڵکی ناوچەکانی ژێر دەسەڵاتی یەپەگە لە موسوڵمان و مەسیحی و کورد و عەرەب و سریانی و ئێزدی ڕۆژێک نەهاتنە سەرجادە دژی دەسەڵاتی یەپەگە خۆپیشاندان بکەن، هەمو ئەو ڕۆژنامەنوسە ئەمریکی و ئەوروپییانەی هاتونەتە ڕۆژاوای کوردوستانەوە و ڕێپۆرتاجیان لەسەر دۆخی خەڵکەکە کردوە  سەرسامبون بە شێوازی ئیدارەی باش و مرۆڤدۆستی یەپەگە. سریان و عەرەب و کورد ئازادانە لە کەشێکی دیموکراتیدا پێکەوە دەژین و ناوچەکە بەڕێوەدەبەن و بە زمانی دایک دەخوێنن، زانکۆیان لە قامیشلو گەشاندۆتەوە، دەیان دەسکەوتی تریان بۆ خەڵک دابینکردوە. ئەوروپای یەکگرتو و کۆنگرێسی ئەمریکی بە دیموکرات و کۆمارییرکانەوە دژی هێرشی تورکیان بۆ سەر ڕۆژاوا، هاوار و ناڵەی ژن و منداڵ و پیری عەفرینی ژێر نێزەی تورک و ئیسلامییە توندڕەوەکان ڕۆژانە دەگاتە حەوت تەبەقەی ئاسمان، ئیتر ئۆردوگان بۆ دەیەوێ ڕۆژاوا داگیر بکات؟ 

بەڕای من بۆ نەتەوەپەرستانی تورک و عەرەب و فارس ، سەری مارەکە هەرێمی کوردوستانە، چونکە لەم هەرێمە دا بڕێک سەربەخۆیی و ئازادی ، بڕێک دیموکراتی و مافی مرۆڤ بۆ دانیشتوانەکەی دابینکراوە ، موعارەزە و دەسەڵات لە هەرێمدا هاودەنگن لەسەر ئەوەی دەبێت کەموکورتییە زۆرەکان  نەهێڵرێن. هەرێمی کوردوستان لەگەڵ هەمو کەموکورتییە جەوهەری و ترسناکەکانی دەسەڵاتی کوردیدا هێشتا هەر ئومێد و قیبلەی هەمو کوردانی دنیایە، شۆڤێنیەکانی تورک و عەرەب وفارس دەیانەوێ ئەم تروسکاییەش بە خوێنی هەزاران ئینسان بکوژێننەوە و کوردانی لای خۆیان پێ بترسێنن و نائومێدیان بکەن لە درێژەدان بە خەباتە ڕەواکەیان. 

ئیسلامی سیاسیی توندڕەویش، بە داخەوە هەندێ لە لایەنە کوردییە ئیسلامییەکانیش،هەرێمی کوردوستان، کە تیایدا سیاسەت لە ئاین جیاکراوەتەوە و دۆستایەتیی هەیە لە گەڵ جیهانی ڕۆژاوادا بە تایبەتی ئەمریکا، بە پرۆژەیەکی زایۆنیستیی جولەکە دەزانن و نیگەرانن لەوەی هەرێمی کوردوستان لە ئایندەدا بکرێتە  ئیسرائیلی دوهەم واتە کافرستان.
ئەگەر تورکیا کوردستانی ڕۆژاوا داگیربکات :

سەدان هەزار کەس ئاوارەی باشوردەبێت ، سەربازانی تورکیا ڕاستەوخۆ بەرامبەر سەنگەری پێشمەرگەی هەرێم ڕادەوەستن و سنورمان بۆ سوریا لێدادەخەن کە بێگومان ئەمە زیانێکی گەورە بە ئابوریی هەرێم دەگەیەنێ.
ورە و هیوای کوردانی دنیا دادەبەزێ.

پەستان و گوشینە جۆراوجۆرەکانی تورکیا بۆ سەر حکومەتی هەرێم زیاددەکات، بۆ نمونە سوپای تورکیا فراوانتر و قوڵتر دێتە ناو خاکی هەرێم و ئەگەری بەهێز هەیە کە دەیان شوێنی ستراتیجی تا نزیک هەولێر و سلێمانی داگیربکات .

بۆیە بەڕای من دەبێت حکومەتی هەرێم  و موعارەزە ، ڕێکخراوەکانی کۆمەڵگای مەدەنی ، میدایاکان و کوردانی ئەوروپا و ئەمریکا و ... هەمو تاکێکی بەهەست و مرۆڤدۆست بە چالاکیی جۆراوجۆر دژی هێرشی تورکیا بۆ سەر ڕۆژاوا بوەستێتەوە و بەهێرشی بزانێت بۆ سەر خۆی.

کەمترین کاردانەوە کە ئێستا بیکەین ئەوەیە لە زاخۆوە تا خانەقین، بە تایبەتی لە بادینان و هەولێر و سلێمانی و هەڵەبجە و ... خۆپیشاندانی  ملیۆنیی ناتوندوتیژ و مەدەنییانەی پێشکەوتو بکەین دژی شەڕی تورکیا بەرامبەر بە کورد، لە ژێر دروشمی سەرەکیی : هەزار نا بۆ شەڕ، بەڵێ بۆ ئاشتی.     

وتاری زیاتر

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
ره‌حمان غه‌ریب بۆ میدیاكانی پارتی و یه‌كێتی: شەڕی تۆخكردنی زۆنچێتی و كۆنەقین بوەستێنن
سوپای پاسداران: درۆنێكی ئه‌مریكیمان له‌ ئاسمانی گه‌روی هورمز تێكشكاند
© 2026 Awene Online, Inc. All Rights Reserved.
×