ئەم پشتگیرییە لەسیاسەتی تاڵانکردنی نەوتی ھەرێم‌و دزینی داھاتەکەی پێش چونە حکومەت مەترسیدارە!

سۆران عومه‌ر
  2019-06-20   

لەبەیاننەمەکەی ئەمڕۆی بزوتنەوەی گۆڕان تەنھا قسە لەمەی دەکەم کە دەڵێن « بە دەرکردنی یاسای نەوت و غاز و، و دەرکردنی یاسای دەستەی گشتی چاودێریکردنی داهاتە تەرخانکراوەکانی فیدڕاڵی بەپێی (مادەی ١٠٦ی دەستوری هەمیشەیی عێراق)و دروستکردنی ئەو دەستەیە بە زوترین کات، کە چواردەساڵە دەسەڵاتدارانی عێراق بەگشتی خۆیان لەدەرکردنی ئەو یاسایانە ئەدزنەوە، کە دەرکردنی ئەو یاسایانە و دروستکردنی ئەو دەستەیە تەنیا زامنە بۆ ئەوەی جارێکی تر بودجەی هەرێم و موچەی فەرمانبەران بدرێ، و نەوتیش بەگشتی بخرێتە خزمەتی هاوڵاتیان لەعێراق و هەرێم، تا دەرکردنی ئەم یاسایەش مافی دەستوری هەرێمی کوردستانە نەوت و غاز بەرهەم بهێنێ و ئیدارەی سامانە سروشتیەکانی هەرێم بکات»

بەداخەوە زامنکردنی بوجەو موچەی ھەرێمتان گرێداوە بە دروستکردنی دەستەی چاودێری داھات و یاسای نەوت و گازی عێراق! تا ئەوکاتەش پشتگیری ئەوە دەکەن ھەرێم خۆی نەوت وغاز بەرھەم بھێنێ و خۆی ئیدارەی نەوت و غازی بدات! 


واتە ئەوەتان لەبیرکرد کە بەھۆی ئەوەی ھەرێم خۆی نەوت دەفرۆشێ و ئیدارەی سامانە سروشتیەکان دەدات و نەوت بەپێی ئەوەی لەیاسای بودجەی عێراق ھەیە تەسلیمی سۆمۆی ناکات بۆیە بەغدا موچەی خەڵکی کوردستانی بڕی! 


ئەمەی ئەمڕۆ گۆڕان پشتگیری لێ دەکات بۆ سیاسەتی نەوتیی ھەرێم دەبێتەوە بەھۆی بڕینی بەشەبودجەمان بەموچەشەوە -گەر ساڵی داھاتوو رۆژانە ٢٥٠ ھەزار بەرمیل نەوت تەسلیم بەبەغدا نەکرێ- 
ئەم پشتگیریە پشتیوانیە لە بردنی داھاتی نەوتی ھەرێم لە پێنج ساڵی رابردوو بەھامان بەھانە و سزاکەی کەوتە سەر موچەخۆران و تەواوی خەڵک.


دەزانن یەکێتی کەشەریکی پارتیە لە تاڵانکردنی نەوت دا بەڵام پشکەکەی کەمترە تائێستە بەم ڕاشکاویە پشتیوانی ئەو سیاسەتەی نەوتی ھەرێمی نەکردووە؟!


من بەگومانم ئەم پشتگیریە لە سیاسەتی نەوتی ھەرێم ڕای پەرلەمانتارە بەھەڵوێستەکانی فراکسیۆنی گۆڕان بێ لەبەغداو ھەرێم بەتایبەت ھاوڕێم کاک عەلی حەمەساڵح، بۆیە ئەم بەیاننامە بەم جۆرە لەپێش پێلکھێنانی کابینەی نۆیەم پاساوە بۆ جارێکی دیکەی دانانەوەی ئاشتی ھەورامی ئەندازیارو شەریکی تاڵانکردنی نەوتی ھەرێم بۆ چەند بەرپرسێکی باڵای دزو جێی گومان و پرسیاری گەورەیە گۆڕان ئەم قەناعەتەی بۆ دروست بوبێ! 


ئەم نوسینەم خەمخۆریە بۆ ئەو بزوتنەوەی کەئومێدی زۆری گۆڕین بوو لەکوردستان بەوەش خەڵکێکی زۆر لێی کۆبویەوە ئێستە دڵمان ژانەکات ئەمە سیاسەت و گوتارێتی!

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
ره‌حمان غه‌ریب بۆ میدیاكانی پارتی و یه‌كێتی: شەڕی تۆخكردنی زۆنچێتی و كۆنەقین بوەستێنن
سوپای پاسداران: درۆنێكی ئه‌مریكیمان له‌ ئاسمانی گه‌روی هورمز تێكشكاند
© 2026 Awene Online, Inc. All Rights Reserved.
×