تائێستا به‌غدا موچه‌ی مانگی 5ی پێشمەرگەو دامەزراوە ئەمنییەکانی هەرێمی خەرجنەکردووە
وەزیری پلاندانانی حکومەتی هەرێمی کوردستان ئاشكرای ده‌كات كه کێشەی موچەی هێزە ئەمنییەکان لەچارەسەرکردن نزیکە.
ئاوێنه: دارا رەشید، وەزیری پلاندانانی حکومەتی هەرێمی کوردستان به‌میدیای یه‌كێتی رایگەیاندووه، کێشەی موچەی هێزە ئەمنییەکان لەچارەسەرکردن نزیکەو "هیوادارین موچەی ئەوانیش دابەشبکرێت".
وتیشی، رێککەوتنی حکومەتی هەرێمی کوردستان و حکومەتی ناوەند بەشێوەیەکە کە حکومەتی هەرێمی کوردستان ناوی سەرجەم هێزە سەربازییەکان بەلیستی ناو دەنێرێت، بەڵام لیستی هێزە ئەمنییەکان بەکۆد دەنێرێت و دیوانی چاودێری دارایی وردبینی بۆ لیستەکان دەکات.
بڕیاره له‌چه‌ند ڕۆژی داهاتودا حكومه‌تی عێراق موچه‌ی مانگی 6ی موچه‌خۆرانی هه‌رێم ڕه‌وانه بكات، به‌ڵام تائێستا به‌غدا موچه‌ی مانگی 5ی پێشمەرگەو دامەزراوە ئەمنییەکانی خەرجنەکردووە.