هەپەگە رایگەیاند، لە دو چالاكی گەریلادا لەناوچەی خواكورك، پێنج سەربازی توركیا كوژران و سێ سەربازی دیكەش برینداربون.
ئاوێنە: ناوەندی راگەیاندن و چاپەمەنی هێزەكانی پاراستنی گەل-هەپەگە لە راگەیەندراوێكدا وتی، رۆژی 22ی ئەم مانگە، لە چالاكییەكانی گەریلاكانی یەژاستاردا لەدژی ئۆپەراسیۆنێكی سوپای توركیا لە ناوچەی خواكورك، چوار سەربازی توركیا كوژران و سێ سەربازی دیكەش برینداربون.
بەپێی راگەیەندراوەكە، لە كاتێكی دیكەی هەمان رۆژو لە هەمان ناوچە، لە چالاكییەكی دیكەی گەریلادا دژبە هێزەكانی سوپای توركیا، سەربازێكی دیكە كوژراوە.