هەسەدە ئەو هەواڵانە رەتدەكاتەوە كە باس لە رودانی تەقینەوەیەك لە یەكێك لە پێگە سەربازییەكانی هێزەكانیان لە شارۆچكەی شەدادی لە سنوری حەسەكە دەكەن.
ئاوێنە: ناوەندی راگەیاندنی هێزەكانی سوریای دیموكرات(هەسەدە)، ئێوارەی ئەمڕۆ چوارشەممە، لە راگەیەندراوێكدا وتی"ئەو هەواڵانە راست نین كە لەلایەن هەندێك لە دەزگاكانی راگەیاندنەوە بڵاوكراونەتەوەو باس لە رودانی تەقینەوەیەك لە یەكێك لە خاڵە سەربازییەكانمان دەكەن لە شارۆچكەی شەدادی."
ئەوەش لەكاتێكدایە كە ئەمڕۆ بەشێك لە میدیاكان و پێگەكان لە تۆڕە كۆمەڵایەتییەكان، گرتەیەكی ڤیدیۆیی تەقینەوەیەكیان بڵاوكردەوەو بانگەشەی ئەوەیان كردبو كە لە یەێك لە پێگەكانی هەسەدە لە سنوری حەسەكە رویداوە.