کۆمەڵەی زەحمەتکێشانی کوردستان ده‌نگۆی تیرۆركردنی سه‌ركرده‌یه‌كی حزبه‌كه‌یان و برینداركردنی ژماره‌یه‌ك پێشمه‌رگه‌یان له‌لایه‌ن "سیخوڕێك" ره‌تده‌كاته‌وه‌و ده‌ڵێت، "ئەم هەواڵانە هیچ بنەمایەکی ڕاستیان نییە و بەتەواوی درۆ و بێبەڵگەن."
ئاوێنه: كۆمه‌ڵه‌ی زه‌حمه‌تكێشانی كوردستان، ئه‌مشه‌و پێنجشه‌ممه، له رونكردنه‌وه‌یه‌كدا رایگه‌یاند "لە دوای بڵاوبوونەوەی هەندێک هەواڵ و دەنگۆی بێبەڵگە لەسەر تۆڕە کۆمەڵایەتییەکان، کە تێیدا وتراوە کە گوایە جاسوسێک تەقەی لە ژمارەیەک پێشمەرگەی کۆمەڵە کردوە و برینداری کردون و دواتر هەڵاتوە، هەروەها ئەندامێک لە ڕێبەرایەتی تێرۆر کراوە، بە ڕونی ڕایدەگەیەنین کە ئەم هەواڵانە هیچ بنەمایەکی ڕاستیان نییە و بەتەواوی درۆ و بێبەڵگەن."
كۆمه‌ڵی دڵنیاییشی داوه كه "هەموو هاوڕێیان لە تەندروستی و سەلامەتیدان و هیچ ڕوداوێک بەو شێوەیە ڕوی نەداوە."
داواشی له هه‌مو لایه‌ك كردوه "تەنها پشت بە ڕاگەیاندنە فەرمییەکانی کۆمەڵە ببەستن و لە بڵاوکردنەوەی هەواڵە ناڕاست و شایعە بێسەرچاوەکان خۆیان بپارێزن."
ده‌قی رونكردنه‌وه‌كه:
بۆ ڕای گشتی
لە دوای بڵاوبوونەوەی هەندێک هەواڵ و دەنگۆی بێبەڵگە لەسەر تۆڕە کۆمەڵایەتییەکان، کە تێیدا وتراوە کە گوایە جاسوسێک تەقەی لە ژمارەیەک پێشمەرگەی کۆمەڵە کردوە و برینداری کردون و دواتر هەڵاتوە، هەروەها ئەندامێک لە ڕێبەرایەتی تێرۆر کراوە، بە ڕونی ڕایدەگەیەنین کە ئەم هەواڵانە هیچ بنەمایەکی ڕاستیان نییە و بەتەواوی درۆ و بێبەڵگەن.
دڵنیایی دەدەینەوە کە هەموو هاوڕێیان لە تەندروستی و سەلامەتیدان و هیچ ڕوداوێک بەو شێوەیە ڕوی نەداوە. لە هەموان داوا دەکەین تەنها پشت بە ڕاگەیاندنە فەرمییەکانی کۆمەڵە ببەستن و لە بڵاوکردنەوەی هەواڵە ناڕاست و شایعە بێسەرچاوەکان خۆیان بپارێزن.
کۆمەڵەی زەحمەتکێشانی کوردستان
سکرتارییەتی کومیتەی ناوەندی
٢٣ی جولای ٢٠٢٦