پاش ئەوەی لەچەند پەیج و سایتێکدا هەواڵی دەستگیرکردنی بریکاری وەزارەتی ناوخۆی هەرێم بڵاوکرایەوە لیوا چەتۆ هەواڵەکەی رەتکردەوە و دەڵێت "ئەوە پوختانە".
ئاوێنە: لیوا چەتۆساڵح سعيد، بریکاری وەزارەتی ناوخۆی هەرێم نوسیویەتی "لەچەند سایت وپەیجێکی فەرمی و سێبەرو بنمیچ وبێ شوناس هەڵمەتێکی ناڕەواو ناڕاستیان دژمان بەرپاکردوە و کۆمەڵێک تۆمەتی بێ بنەماو نامەنتیقیان بڵاو کردۆتەوە لەناو بوختانەکان گوایە ئێمە لەسلێمانی ڕاگیرابێتین..".
وتوشیەتی "لێرەوە ڕایدەگەیەنین سەرلەبەری ئەو هەڵمەتە چەواشەکاریە و هیچ بنەمایەکی ڕاستیان نیە".
بریکاری وەزارەتی ناوخۆی هەرێم ئاماژەی بەوەشدا، "سەبارەت بەو وەرەقەیەی دادگای سەربازی دادگای ناوبراو سەر بەوەزارەتی ناوخۆیە و داواکردنی کەسانی پلە باڵا شێوازو ڕێکاری یاسایی و ڕەزامەندی مەرجەعي دەوێت نەک لە ڕێگای سۆسیال میدیاو چەواشەکاریەوه".