سەرۆک وەزیرانی عێراق داوای لە دۆناڵد ترەمپ کردووە رێگە بە عێراق بدات بۆ هاوردەکردنی غازی ئێرانی.
ئاوێنه: محەمەد شیاع سودانی، سەرۆکوەزیرانی عێراق رایگەیاند، سەرەڕای سزاکانی سەر ئێران، ئیدارەی پێشوی ئەمریکا رێگەی بە عێراق داوە غاز لە ئێرانەوە هاوردە بکات و پێداویستییەکانی ناوخۆی پێ پڕ بکاتەوە.
ئاماژەی بەوەشکرد، تاوەکو ساڵی 2028 عێراق لە لە بەرهەمهێنانی غازدا دەگاتە خۆبژێوی، بەڵام تا ئەوکات، پێویستیان بەوە دەبێت لە وڵاتانی دراوسێوە هەم غازی سروشتی، هەمیش کارەبا هاوردە بکەن.
پێشتر دۆناڵد ترەمپ، سەرۆکی ئەمریکا ئەو لێخۆشبوونەی هەڵوەشاندەوە کە بە عێراق دراوە بۆ هاوردەکردنی کارەبا و غاز لە ئێرانەوە، ئەوەش لە چوارچێوەی پاکێجی نوێی سزاکانی سەر ئێران.