وەزارەتی خوێندنی باڵای هەرێم (دەسپاکی ئەکادیمی) دەخاتە نێو توێژینەوەی زانستی پرۆگرامی خوێندنی زانکۆکانی کوردستان.
ئاوێنە: وەزارەتی خوێندنی باڵا و توێژینەوەی زانستی هەرێمی کوردستان لەنوسراوێکدا رایگەیاند "لەچوارچێوەی پرۆژەی هەڵسەنگاندنی مەترسییەکانی گەندەڵی لەبواری توێژینەوەی زانستی لەلایەن وەزارەتی خوێندنی باڵا و دەستەی دەسپاکی، ئەمڕۆ سێشەممە ڕێکەوتی (٦/ ١٠/ ٢٠٢٦) بە ئیمزای د. ئارام محمد قادر وەزیری خوێندنی باڵا و توێژینەوەی زانستی لە گشتاندنێکدا بۆ سەرجەم زانکۆکانی کوردستان، (دەسپاکی ئەکادیمی) لە توێژینەوەی زانستی خرایە ناو پرۆگرامی خوێندن و لە بابەتی میتۆدەکانی توێژینەوەی زانستی گشت بەشەکانی کۆلێژ و فاکەڵتی و پەیمانگەکان بۆ ساڵی خوێندنی (٢٠٢٦-٢٠٢٧) و ساڵانی دواتر بۆ ماوەی یەک تاکو دوو هەفتە دەخوێندرێت".
ئەوەش خراوەتەروو، (دەسپاکی ئەکادیمی) لە خوێندنی بەرایی/ دیبلۆمی تەکنیکی و پیشەیی و بەکالۆریۆس و خوێندنی باڵا/ دیبلۆمی باڵا ، ماستەر ، دکتۆراو بۆردی پزیشکی بۆ ئاشنابونی خوێندکاران و قوتابیان دەخوێندرێت.