[ خۆزگە ھەر کەسێ بە قەد زانینی خۆی قسەی بکردایە ،ئێستا دونیایەکی زۆر بێ دەنگمان ئەبوو.............]
"باپلیۆن پوناپارت"

 
.....کاک " لەتیف فاتیح" ناوێکی دیاری سایتەکانە کە ڕۆژانە بە سێ چوا ووتار بە بۆچوونکانی لەسەر ھەموو بابەتەکان ئاشنا ئەبین ، بەڵام " وەک خۆی ئەڵێ - لێ-" ئەمجارەیان فاوڵێکی گەورەی کردوە کە لەسەر بابەتێک نووسیوێتی کە بە زۆر سواری سەر ملی بوە و وەک "شارەزا"یەک !! باسی لێوە ئەکا ، چەکوشەکەی ئەمجارەی کاکە لەتیف کول بوە و  ھەروا بە ئاسانی تێناپەڕێ ، ئەو برادەرە لەسەر شانۆگەری "ڕووتبوونەوە" ووتارێک یان تێک شکانێکی نووسیوە کە ناکرێ لێ ی بێ دەنگ بم ، بۆچی ؟ چونکە ئەو شانۆگەرییە لە کۆتایی ھەشتاکانا ئێمە وەک " تیپی شانۆی ئارات" لە ئامادە کردن و دەرھێنانی "د. فاچل جاف" و نواندنی بەندە و کاکە کۆردۆ گەڵاڵی لە " سوید " پێشکەش کراوە و حیزبە کوردییەکانی قەڵس کرد ، کاک لەتیف ئەڵێ :دەقەکەی مروژیک کە دەقێکی عەبەسیانەیە !!! کە لە ڕاستیا دەقەکە لەو جۆرە دەقانەیە کە پێ ی ئەووترێ " لا معقول" واتا نا مەعقول کە شوێن و زەمانی بەسەرھاتی دەقەکە دیار نیە و زۆربەی دەقەکانی مروژیک لەسەر ھەمان بنەما نووسراوە؛ ڕووتبوونەوە ..دوو پێغەمبەر..گێژەن...و ئەوانی تریش، بۆ ئەوەی لە ھەچ شوێن و زەمانێکی تر نمایش کرا  گونجاوبێ، جگە لەوەش خۆزگە کاک لەتیف لوتفی بکردایە و بە یەک دوو دێڕ شەرحێکی " دەقی عەبەسی" بکردایە تا ئەوانەی وەک خۆی خوێنەوار نین بیانزانیایە عەبەسی یانی چی.. ئەو ئەڵێ جگە جل و بەرگ و شێوازە ئەوروپێکەی خۆ گۆڕین و جانتاکانی دەستیان تەواو" کورداندویانە"! جا تۆ بڵێ ی گەر دوو ئەکتەرەکە ڕانکوچۆغەیان لەبەر بوایە دەق و جل و بەرگ تەواکەری یەکتر نەئەبوون دەستەکەش تەسبیحێکی پێ بوایە زۆر تۆخ ئەیان کوردان..!! کاکە لەتیف درکی بەوە نەکردوە ئەو دوو جانتایە بۆ ؟ خۆ ئەو دوو جانتایە بە سودفە و لە خۆڕا لە دەقەکەیا نیە ، جا کاکە لەتیف کە شارەزای دەقی عەبەسییە بۆچی ئیشارەتی پێ نەیاوە ؟ 
ئاخۆ بۆچی کاک لەتیف ئەڵێ : دەستەکەی بەغا کە ڕاستیا ئەو دەستە سیمبولی دەسەڵاتە لەھەر کوێ و ھەر شوێنێکا ھەبێ و ئەکرێ لە جیاتی تاران و تورکیا ..و ..بەکار بھێنرێ ، مرۆژیک خۆی مەبەستی لە دەسەڵاتی کۆمۆنیزمی پۆڵۆنیایە ، ...کاک لەتیف ئەیەوێ ھەر بە زۆر میللەت بخاتە دەقەکەوە کە تیا نیە یان وەک خۆی ئەڵێ : سیاسییەکان لە لایەک و میللەت لە لایەک ، دیارە قوڵبوونەوە لە عەبەسیەت ئەمەشی لێ تێک یاوە ، دەنا ئەو دوو کارەکتارە سیاسییەکان خۆیانن بە ھەموو ڕابردوو و حازرێکیانەوە ، جگە لەوەی ھەر یەک لەودووانە شەخسیەتی چەن کەس و لا و   قۆناغ  ئەنوێنن بێ ئەوەی عەبەسییانە سیاسەت بکەن...مرۆژیک میللەت بێ ئومێد ناکا وەک کاکە لەتیف تێ ی گەیشتوە بەڵکو پێ ی ئەڵێ  ئەوە چیرۆکی دەسەڵاتدارەکانی لای ئێوەن ، ئەو دەسەڵاتدارانەی بۆ " دەست " ئەچمنەوە و تەنھا واز لە جانتاکانیان ناھێنن ، خۆزگە کاکە لەتیف بە شیکردنەوەیەکی " نا  عەبەسیانە" پێ ی ئەووتین بۆ دەستبەرداری جانتاکان نابن..؟
کاک لەتیف چەکوشەکەی زۆر بە قورسی بەکار ھێناوە و باس لە " تراژیدیا" و " تراژکۆمیدیا"ی دەقەکە ئەکا بێ ئەوەی بزانین ئەوەش بەشێکە لە عەبەسییەتی دەقەکە یان پریشکی بەر کەووتوە ، دەقی " ڕووتبوونەوە " کۆمێدی نیە وەک کاک لەتیف بۆی داتاشیوە ، بەڵکو مەھزەلەی سیاسییە دسەڵاتدارەکانە کە لەلای بینەر مایەی پێکەنینە..." ڕووتبوونەوە " دەقێکە چەکوشێکی تیژی ئەوێ کە خەڵکی خۆی بەکاری بێنێ ، چەکوشیش جۆری ھەیە وەک عەبەسی و ناماقول.....

تێبینی : نمایشەکەی " ڕووتبوونەوە"ی تیپی شانۆی ئارارات لە " یو توب" ھەیە.