ئا: وارهێل نێروەیی
شوێنەوار ناسەكێ پارێزگەها سلێمانیێ پشتی چەند رۆژەكان ڤەكولین و دیفچوونا پەرستگەها لالش كری دیار كریە كو مێژوویا پەرستگەهێ بۆ زێدەتر ژ 4000 هزار سالان ڤەدگەریت لەورا داخواز ژ وەزارەتا رەوشەنبیری و گەشت و گوزاری ل عیراقێ پێشنیاز كریە پەرستگەها لالش بكەفتە دناڤ لیستا شوینەوارێن جیهانێ دا.
قاسم شەمۆ، بەرپرسێ پشكا رەوشەنبیری دەستەیا بلندا بنگەهێ لالش یێ رەوشەنبیری و جڤاكێ بۆ" ئاوێنە" راگەهاند: پەرستگەها لالش میژوویەكا كەڤن و دیروكی هەیە ژبلێ وەكو جهەكێ ئاینێ پەرستگەها لالش دهێتە هژمارتن، لەورا ناڤێ پەرستگەهێ بچیتە دناڤ لیستا شوینەوارێن جیهانێ دا تشتەكێ زۆر باش و مفا پتر د هەموو بوارەكێ دا خزمەتا پەرستگەها لالش هێتە كرن بڤی شێوەیی ئەڤ پەرستگەهەكا دیرۆكی دێ شوێنەوارێ ئێزدیان ژلایێ رێكخراوا یونیسكو یا جیهانی ڤە هێتە پاراستن.
ناڤهاتی گوت ژی: پەرەستگەها لالش مێژوویەكا كەڤن و دیروكی هەیە ل گورەیی هندەك شوێنەوار ناسا دبێژن هندەك ستونێن ڤێ پەرستگەهێ دهێتە بەراود كرن دگەل مێژوو شوێنەوارێن (بابلی و ئاشوری یا) بەری 4500 سەد هزار سالان ڤەدگەریت.
قاسم شامو ئەو ژی دیار كر: بسپورو شارەزایی شوێنەوارا ل پارێزگەها سلێمانیێ د.عەبدالرەقیب یوسف سەرەدانا پەرەستگەهێ كر بوو بۆ دەمێ سێ رۆژان ڤەكولین لسەر شوێنەوارێن پەرەستگەهێ كریە و پشتی ل گوڤارا لالش ژی هاتیە بەلاڤ كرن دێ ڤی بابەتی ئاراستەی وەزاەرتا رەوشەنبیریا حكومەتا عیراقێ هێتە كرن كو پێشنیار بهێتە كرن بۆ رێكخراوا (یونیسكو) یا جیهانی بۆ پاراستنا شوێنەاران دا بۆ پەرەستگەها لالش بكەڤیتە د لیستا شوێنەوارێن جیهانی دا.
ئاشكرا ژی كر: دوو شێوەیان ئەڤ پێنگاڤ بۆ پەرستگەها لالش یا گرنگە ئەوژی شێوازی ئێكی وەكو شوینەوار تشتەكێ زۆر باشە هەروەسا ژی ژلایێ دینی ڤە زۆر گرنگیەكا باش هەیە و شوینەوار ناس دبێژن هندەك جهێن گەڤنار ل پەرستگەها لالش هەنە میژویا وان ڤەدگەریت بۆ دەمەكێ زۆر درێژ وەكو نڤیسینین لسەر بەران و نەخشەیێن دیواران و دیزانیێ پەرستگەها لالش ئەڤە هەموو گەلەك گەڤنارن نوكە هەكە مرۆڤ بچتە لالش ل دەستپێكی خانا ئیزدی ئەڤ خانا ئێزی بۆ مێژوویەكا كەڤن ڤەدگەریت.
تێ زانین، پەرستگەها لالش ئێكەمین پەرستگەها ئێزدیان ل هەرێما كوردستانێ دكەڤیتە قەزا شێخان، ئێزدی ژ هەموو جیهانێ سەرەدانا پەرستگەها ناڤبری دكەن بۆ گێرانا ری َورەسمێن ئاینێ ب تایبەتی جەژنا (جەمایێ) ل ڤێ پەرستگەهێ هێنە گێران.