مه‌سرور بارزانی، سه‌رۆك وه‌زیرانی هه‌رێم و باڵیۆزی فینله‌ندا له كۆبونه‌وه‌ی نێوانیاندا رایده‌گه‌یه‌نن، كاراكردنه‌وه‌ی په‌رله‌مانی كوردستان هه‌نگاوی یه‌كه‌می پێكهێنانی كابینه‌ی نوێی حكومه‌تی هه‌رێم.
ئاوێنه: به‌پێی راگه‌یه‌ندراوێكی حكومه‌تی هه‌رێم، ئەمڕۆ یەکشەممە، مەسرور بارزانی، سەرۆکی حکومەتی هەرێمی کوردستان، پێشوازی لە ئانتی پوتکۆنین، باڵیۆزی فینله‌ندا لە عێراق کردو جەختیان لە گرنگیی بەهێزکردنی پەیوەندییەکانی هەرێمی کوردستان و فینله‌ندا کردەوە.
وه‌ك له راگه‌یه‌ندراوه‌كه‌دا هاتوه "هەروەها بیروڕایان لەبارەی پێویستیی کاراکردنەوەی پەرلەمانی کوردستان وەک هەنگاوی یەکەمی پێکهێنانی کابینەی نوێی حکومەتی هەرێمی کوردستان ئاڵوگۆڕ کرد."
به‌گوێره‌ی راگه‌یه‌ندراوه‌كه، "چارەسەرکردنی کێشەکانی هەرێمی کوردستان و حکومەتی فیدراڵ و گرنگیی ڕێزگرتن لە مافە دەستووری و شایستە داراییەکانی هەرێمی کوردستان، بە تایبەتی بەشەبودجەی هەرێمی کوردستان لە بودجەی گشتیی 2027 بەپێی ڕێژەی 14%ی دانیشتوانی هەرێمی کوردستان، کە ئەنجامی فەرمیی پەسەندکراوی سەرژمێریی 2024ـە، بەشێکی دیکەی گفتوگۆکان بو."