سه‌رۆكی لیژنه هاوبه‌شه‌كانی قائیمقامیه‌تی سلێمانی، ئه‌مڕۆ شه‌ممه، له كاتی به‌سه‌ركردنه‌وه‌ی كۆگاكانی خواردن و پێداویستییه‌كان له ناوچه‌ی هوانه، جه‌ختی كرده‌وه كه رێگه به به‌رزكردنه‌وه‌ی نرخی خواردن و كاڵاكان ناده‌ن و هەر بازرگان و کاسبکارێک نرخ لەسەر هاوڵاتیان زیاد بکات روبەڕوی سزای توندی یاسایی دەکەنەوە.
ئاوێنه: ئه‌مڕۆ شه‌ممه، لیژنەهاوبەشەکانی قائیمقامیەتی سلێمانی، "بە ئامانجی رێگریکردن لە بەرزکردنەوەی نرخ و ناجێگیری بازاڕ"، سەردانی کۆگاکانی خواردنیان کرد لە ناوچەی هوانەو لە نزیکەوە بەدواداچونیان بۆ نرخ و کوالیتی خواردن و پێداویستیەکان کرد.
بابان ئەحمەد، سەرۆکی لیژنە هاوبەشەکانی قائیمقامیەتی سلێمانی له لێدوانێكدا بۆ رۆژنامه‌نوسان رایگەیاند: لەدوای بڕیاری بەرزکردنەوەی بەهای دۆلار لە بەرامبەر دینار لەلایەن حکومەتی عێراقەوە لەلایەن بەشێک لە هاوڵاتیان جۆرێک لە ترس و نیگەرانی لەسەر نرخەکان دروست بوە ، بەڵام لیژنەکانیان هاوڵاتیان دڵنیا دەکەنەوە كه رێگە بە به‌رزكردنه‌وه‌ی نرخەکان نادەن.
وتیشی كه بۆ ئەو مەبەستەش لەکۆگاکانی عەمبارکردنی خواردن و نێوبازاڕ بەوودی چاودێری نرخەکان دەکەن و رێگە بەهیچ جۆرە سەرپێچییەک نادەن.
ئه‌و جه‌ختیشی كرده‌وه، هەر بازرگان و کاسبکارێک نرخ لەسەر هاوڵاتیان زیاد بکات روبەڕوی سزای توندی یاسایی دەکەنەوە.
وتیشی، لیژنە تایبەتمەندەکانیان بەردەوام سەردانی کۆگاو نێوبازاڕ و مارکێتەکان دەکەن و هەر شوێنێک پابەند نەبێت سزا دەدرێت.