دابەشکردنی مووچەی فەرمانبەرانی هەرێم لە ڕۆژی شەممەوە دەستپێدەکات
  2026-10-08     

 وەزارەتی دارایی عێراق پارەی مووچەی مانگی نۆی فەرمانبەرانی هەرێمی کوردستانی خستە سەر هەژماری وەزارەتی دارایی هەرێم. سەرەڕای بڕینی ١٢٠ ملیار دینار لەلایەن بەغداوە، هەرێم لە داهاتی ناوخۆ کورتهێنانەکە پڕدەکاتەوە و لە ماوەی سێ ڕۆژدا مووچەی سەرجەم وەزارەتەکان دابەش دەکرێت.

ئاوێنە: ​زیرەک زێباری، ئەندامی پەرلەمانی عێراق، ڕایگەیاند کە وەزیری دارایی عێراق واژۆی لەسەر نووسراوی ناردنی مووچەی مانگی نۆی فەرمانبەرانی هەرێمی کوردستان کردووە و پارەکەش تەمویل کراوە. ئەم هەنگاوە کۆتایی بە چاوەڕوانییەکانی مووچەخۆران دەهێنێت و بڕیارە سەرەتای هەفتەی داهاتوو پرۆسەی دابەشکردنی مووچە دەستپێبکات.

​بەپێی زانیارییەکان، خشتەی دابەشکردنی مووچە ئامادە کراوە. هەرچەندە بڕیارە پارەکە بگاتە لقی هەولێری بانکی ناوەندی، بەڵام بەهۆی پشووی ڕۆژی هەینی و پێویستیی کات بۆ ڕێکارە بانکییەکان بۆ گواستنەوەی پارەکە بۆ بانکەکان و گەنجینەکان، سبەی هەینی هیچ مووچەیەک دابەش ناکرێت.

مووچەی مامۆستایان و فەرمانبەرانی گرێبەست، کە ژمارەیان نزیکەی ٨٧ هەزار کەسە، چەند ڕۆژێک دوای فەرمانبەرانی دیکە دابەش دەکرێت. وەزارەتی دارایی هەرێم هەوڵ دەدات دوای کۆتایی هاتنی دابەشکردنی مووچەی وەزارەتەکان لە هەفتەی داهاتوودا، دەست بە کۆکردنەوەی پارە و دابەشکردنی مووچەی ئەوانیش بکات.  

زۆرترین بینراو
سەرۆكی دەزگای ئاسایشی عێراق: هێرشه‌كه‌ی ئه‌مجاره‌ی سه‌ر كۆرمۆر جیاوازه‌ له‌وانه‌ی رابردو
تۆم باراك بۆ ده‌سه‌ڵاتدارانی هه‌رێمی كوردستان: ناكۆكییه‌ بنه‌ماڵه‌ییه‌كانتان تێپه‌ڕینن
محه‌مه‌د حاجی مه‌حمود: 50 ساڵه‌ كه‌س نه‌یتوانیوه‌ بێته‌ رێگه‌م و ده‌ستگیرم بكات
نێچیرڤان بارزانی و ئه‌حمه‌د شه‌رع تاوتوێی دۆخی كورد له‌ سوریا ده‌كه‌ن
دەرکەوتنەوەی هێزەکانی (H.A.T) لە ڕۆژئاوای کوردستان
خەزعەلی داوای پۆستی پارێزگاری کەرکوک بۆ شیعەکان دەکات
سوپای پاسداران بە درۆن و تۆپخانە سنووری مەریوان بۆردوومان دەکات
بافڵ تاڵەبانی: دان بە پەرلەمانی ئێستادا نانێین و هەرێم بووەتە دوو ئیدارە
مەترسیی دابەزینی پشکی هەرێم بۆ ١١ ترلیۆن دینار لە ئارادایە؛ لیژنەی دارایی زانیاریی نوێ لەبارەی بودجە و مووچە دەخاتەڕوو
لە زیندانەوە تا بنکە سەربازییەکانی بەریتانیا؛ ئەمریکا پەردە لەسەر تۆڕێکی گوماناویی سەر بە سوپای پاسداران و کەتائیب حیزبوڵڵا لادەدات
© 2026 Awene Online, Inc. All Rights Reserved.
×