بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان ڕایگەیاند، لە ئەمڕۆوە پلەکانی گەرما لە سەرجەم ناوچەکان ڕوو لە نزمبوونەوە دەکەن و پێشبینیش دەکرێت لە ناوچە سنوورییەکان نمەباران ببارێت.
ئاوێنە: بەپێی ڕاگەیەندراوەکەی کەشناسی، کەشوهەوای ئەمڕۆ سێشەممە بەگشتی لەنێوان پەڵەهەور و نیمچەهەوردا دەبێت. لە هەندێک کاتی دوای نیوەڕۆدا، ئەگەری پڕووشکەباران لەسەر ناوچە سنوورییەکان هەیە. هاوکات پلەکانی گەرما بەڕێژەی ٢ تا ٤ پلەی سیلیزی نزم دەبنەوە.
سەبارەت بە کەشوهەوای سبەی چوارشەممە، کەشناسی ئاماژەی بەوە کردووە کە ئاسمان بەگشتی ساماڵ و پەڵەهەور دەبێت و لە هەندێک کاتدا بۆ نیمچەهەور دەگۆڕێت، هەروەها پرۆسەی نزمبوونەوەی پلەکانی گەرماش بەردەوامیی دەبێت.
بەرزترین پلەکانی گەرمای پێشبینیکراو بۆ شار و ناوچە جیاوازەکان بەم شێوەیەی خوارەوە دەبن:
هەولێر: 30 پلەی سیلیزی
سلێمانی: 30 پلەی سیلیزی
دهۆک: 30 پلەی سیلیزی
هەڵەبجە: 32 پلەی سیلیزی
گەرمیان: 36 پلەی سیلیزی
چەمچەماڵ: 32 پلەی سیلیزی
زاخۆ: 32 پلەی سیلیزی
ئاکرێ: 32 پلەی سیلیزی
پیرمام: 26 پلەی سیلیزی
حاجی ئۆمەران: 22 پلەی سیلیزی