سه‌باح نوعمان، وته‌بێژی عه‌لی زه‌یدی، فه‌رمانده‌ی گشتیی هێزه چه‌كداره‌كانی عێراق جه‌خت ده‌كاته‌وه له‌وه‌ی كه 30ی ئه‌یلول كشانه‌وه‌ی هێزه‌كانی ئه‌مریكاو هاوپه‌یمانان له عێراق ته‌واو ده‌بێت و ده‌شڵێت: هیچ نیگه‌رانییه‌ك له‌باره‌ی ئاسایشی عێراقه‌وه بونی نییه.
ئاوێنه: سه‌باح نوعمان، وته‌بێژی عه‌لی زه‌یدی، فه‌رمانده‌ی گشتیی هێزه چه‌كداره‌كانی عێراق، ئه‌مڕۆ دوشه‌ممه، به ئاژانسی هه‌واڵی عێراقی راگه‌یاند، "هێزەکانی ئەمریکا و هێزەکانی هاوپەیمانیی نێودەوڵەتی پڕۆسەی کشانەوە لە عێراق لە 30ی ئەیلولەدا تەواو دەکەن."
هەروەها ئاماژەی بەوەش کرد کە "هیچ هێز یان بنکەیەکی سەربازیی بیانی لەسەر خاکی عێراق نییە."
جه‌ختیشی كرده‌وه، "بارودۆخی ئه‌منیمان باشە و کۆنترۆڵی تەواوی خاکی عێراق دەکەین، هیچ نیگەرانییەک لەباره‌ی ئاسایشی وڵاته‌وه بونی نییە و هێزەکانمان لە سەرانسەری ڕوبەری عێراقدا بڵاوەیان پێکراوەو پەیوەندیشمان لەگەڵ هاوپەیمانیی نێودەوڵەتی دەبێتە هاوبەشییەکی دوقۆڵیی جیاواز."