ده‌روازه‌ی باشماخ رایگه‌یاند، هاتوچۆی گه‌شتیاری له مه‌رزی باشماخ به‌شێوه‌یه‌كی كاتی راگیراوه، به‌هۆی پچڕانی سیسته‌می ئه‌لیكترۆنی له دیوی ئێران.
ئاوێنه: ده‌روازه‌ی باشماخ، ئێواره‌ی ئه‌مڕۆ یه‌كشه‌ممه، له راگه‌یه‌ندراوێكدا ئاگاداری هاوڵاتیان كردۆته‌وه كه لەئێستادا هاتوچۆی گەشتیاری لە مەرزی نێودەوڵەتی باشماخ راگیراوە بەهۆی پچڕانی سیستەمی ئەلیکترۆنی لە دیوی ئێران.
ئه‌وه‌شی خستۆته‌ڕو، لە کاتی کرانەوەو چاکبونی سیستەمی ئەلیکترۆنی و ئاساییبونەوەی هاتووچۆ لە ڕێگای پەیجی بەڕێوەبەرایەتی کۆمەڵگای دەروازەی نێودەوڵەتی باشماخەوە هاوڵاتیان ئاگادارده‌كه‌نه‌وه.