ئاژانسی تەسنیم لەزاری سەرچاوەیەکی ئاگادارەوە لە بەغدا راگەیاند، ئەمریکا هێشتا پارەکانی عێراقی نەناردووە، لەکاتێکدا زەیدی پشتگیری لە بڕیاری ترەمپ کردووە سەبارەت بە داخستنی ئاسمان بەسەر ئێراندا.
ئاوێنە: بەپێی ڕاپۆرتێکی ئاژانسی نێودەوڵەتیی هەواڵی "تەسنیم"، لەسەر بنەمای ئەو میکانیزمەی دوای داگیرکردنی عێراق دانراوە، بەشێک لە پارەکانی عێراق کەلە هەژماری عێراق لە ئەمریکا هەڵگیراون، هەموو مانگێک بەشێوەی دۆلاری نەقد دەکرێن و بۆ عێراق دەنێردرێن.
ئاماژەی بەوەشداوە، بۆ ئەو مەبەستە حکومەتی ئەمریکا چەند جارێک ئەم ئامرازەی بۆ گەیشتن بە ئامانجەکانی خۆی لە عێراق بەکارهێناوە، بەڵام لە چەند مانگی ڕابردوودا ئەم پارانە نەگەڕاونەتەوە بۆ عێراق.
هەر بەپێی راپۆرتەکەی تەسنیم، سەرەڕای ئەوەی حکومەتی ناوەندی عێراق، بە سەرۆکایەتی عەلی زەیدی، پشتگیری لەبڕیاری حکومەتی ترەمپ کرد بۆ داخستنی ئاسمان و ڕێگری لە فڕۆکەی ئێرانی بۆ فڕۆکەخانەکانی عێراق (لەوانە بەغدا و نەجەف)، بەڵام حکومەتی ئەمریکا هێشتا پارەکانی عێراقی نەناردووەتەوە، بەڵکو 'کۆتی' لێ کردووە.
هاوکات، لەگەڵ بوونی زەیدی لە نیویۆرک و لەکاتی چاوپێکەوتنی لەگەڵ ترەمپ، حکومەتی عێراق داوای یارمەتی کرد لە تۆم باراک، نوێنەری تایبەتی ترەمپ بۆ عێراق و سووریا، و بارەک ئەم داواکارییەی گەیاندووەتە واشنتۆن.
تەسنیم ئاشکراشیکردووە، کە سەرەڕای هەوڵەکانی حکومەتی زەیدی، هێشتا نەیانتوانیوە پارەکانی عێراق بەدەست بهێننەوە، ئەمەش کاریگەری ڕاستەوخۆی هەبووە لە بەرزبوونەوەی نرخی دراو لەناو وڵاتدا.