كۆسره‌ت ره‌سوڵ عه‌لی له ساڵیادی ریفراندۆمی سه‌ربه‌خۆیی له باشوری كوردستان رایده‌گه‌یه‌نێت، ئه‌وپه‌ڕی شانازییه بۆی كه سه‌رپه‌شتی ریفراندۆمه‌كه‌ی كردوه له كه‌ركوك و ناوچه كوردستانییه‌كان.
ئاوێنه: كۆسره‌ت ره‌سوڵ عه‌لی له په‌یامێكدا نوسیویه‌تی "ئەوپەڕی شانازییە بۆ من، یەکێک لە رۆژە مێژوییە خۆشەکانی ژیانم، کە سەرپەرشتیکردنی ریفراندۆم لە کەرکوک و ناوچە کوردستانییەکانمان وەک ئەرکێکی نیشتمانی و نەتەوەیی پێ سپێردرا."
وتوشیه‌تی "لە روداوێکی مێژویی و دەگمەندا خەڵکی کەرکوک و ناوچە کوردستانییەکان دەنگیان داو کوردستانییەتی ئەو ناوچانەیان سەلماندەوە."