وه‌زیری نه‌وتی عێراق ئاشكرایده‌كات، هه‌نارده‌ی نه‌وتیان له‌م مانگه‌دا گه‌یاندۆته 3 ملیۆن به‌رمیلی رۆژانه.
ئاوێنه: باسم محه‌مه‌د خزەیر، وەزیری نەوتی عێراق لە لێدوانێكی رۆژنامەوانیدا رایگه‌یاند، لەمانگی ئەیلولدا هەناردەی نەوتمان گەیاندوەتە 3 ملیۆن بەرمیلی رۆژانە و لە پلانماندایە هەناردەی نەوت لە رێگای سوریا و توركیاوە بگەیەنینە 1 ملیۆن بەرمیلی رۆژانه.
ئاماژه‌ی به‌وه‌شداوه، پابەندی بڕیاری ئۆپیك دەبین و 4.2 ملیۆن بەرمیل تێناپەڕێنین.
ئه‌وه‌شی خستۆته‌ڕو، داهاتی مانگی ئابی نەوتی عێراق 4.5 ملیار دۆلار بوه.