ئەمشەو ١٢ی ئاب، ڕۆماننووسی گەورە و دیاری کورد حسێن عارف لەتەمەنی ٩٠ ساڵیدا لە شاری سلێمانی کۆچی دوایی کرد.

ئاوێنە: حسین عارف عبدولره‌حمان ساڵی ١٩٣٦ لە شاری سلێمانی لەدایکبووە، ده‌رچووی كۆلیژی یاسا بووەو وەک پارێزەر کاری کردووە، جیا لە کاری ئەدەبی و یاسایی، لە ژیانی سیاسی و پەرلەمانیدا ڕۆڵی هەبووە و لە خولی یەکەمی پەرلەمانی کوردستاندا ئەندام بووە.

حسێن عارف لەگەڵ چەند پەرلەمانتارێکی تر دژ بە شەڕی ناوخۆی نێوان پارتی دیموکراتی کوردستان و یەکێتی نیشتمانیی کوردستان، بۆ ماوەی زیاتر لەمانگێک لەناو پەرلەمانی کوردستاندا مانییان گرتووە.

یەکێک بوو لە دامەزرێنەرانی گرووپی ڕوانگە کە ڕەوتێکی نوێخواز بوو لەمێژووی ئەدەب و ڕۆشنبیری کوردی لە سەردەمی خۆیدا.

حسێن عارف خاوەنی چەندین بەرهەمی ناوازەیە لە بواری ڕۆمان، چیرۆک و لێکۆڵینەوەدا، لەدیارترین بەرهەمەکانی:

رۆمانی شار

چای شیرین: سەرجەم چیڕۆکە کورتەکان

رۆمانی گەلە گورگ

شانۆگەری جەنابی جانەوەر

چیڕۆکی ھونەریی کوردی

بیبلیۆگرافیای چیرۆکی کوردی

لەکۆڕی خەباتا: چیرۆک لەبەرھەمی دوای شۆڕش