فه‌رمانده‌یی ناوه‌ندیی ئه‌مریكا-سێنتكۆم رایگه‌یاند، دوێنێ هه‌ینی، له هێرشه‌كانی ئێراندا بۆ سه‌ر ئوردن، دو سه‌ربازیان كوژراون و سه‌ربازێكی دیكه‌شیان تا ئێستا بێسه‌روشوێنه.
ئاوێنه: سێنتكۆم، ئێواره‌ی ئه‌مڕۆ شه‌ممه، له راگه‌یه‌ندراوێكدا وتی، دوێنێ هه‌ینی، له‌كاتی به‌رپه‌رچدانه‌وه‌ی هێرشه موشه‌كی و درۆنییه‌كانی ئێراندا له ئوردن، دو سه‌ربازمان كوژران و سه‌ربازێكی دیكه‌شمان تا ئێستا بێسه‌روشوێنه.
ئه‌وه‌شی خستۆته‌ڕو، چوار سەربازی تری ئەمریکیش بە مەبەستی چارەسەری پزیشکی بۆ نەخۆشخانەکانی ئوردن گواسترانەوە و دواتر لە نەخۆشخانە دەرچون. ئەو کارمەندە ڕەوانەکراوانەی تریش کە پشکنینیان بۆ کرابو بەهۆی برینی سوکەوە، گەڕاونەتەوە سەر ئه‌ركه‌كانیان.
هێمای بۆ ئه‌وه‌ش كردوه، لەبەر ڕێزگرتن لە خێزانەکانیان، سێنتکۆم زانیاری زیاتر بڵاوناكاته‌وه لەوانەش ناسنامەی سه‌ربازه کوژراوەکان، تاوەکو 24 کاتژمێر بەسەر ئاگادارکردنەوەی نزیکترین خزم و کەسوکاریاندا تێپەڕدەبێت.