بەهێزکردن یان پوکاندنەوەی هەرێم؟
ئارێز عەبدوڵڵا
2021-02-06 830
گەلی کوردستان هەمیشە کوشتەی دەستی ستەم و ناوەندیێتی توندی دەسەڵاتە داگیرکارەکان بووە، بۆیە دەکرێ بڵێین یٔێمە مارانگازی سیستەمی تۆتالیتاری و مەرکەزیەتین، کەواتە چۆن دەکرێ یٔێمە شوێن پێی یٔەوانە هەڵگرین کە نەک بڕوامان پێیان نەبووە نییە، بەڵکو بەمەرگی خۆمان ڕووبەڕوویان بوینەتەوە؟
وڵاتە پێشکەوتووەکانی جیهان بەدابەشکردن و شۆڕکردنەوەی دەسەڵاتەکانی حکومەت، دیموکراسی و پاراستنی مافی مرۆڤ تا دێ گەشەی پتر دەکەن زیاتر پێش دەکەون، بەڵام یٔەو وڵاتانەی کە دیکتاتۆر و تاک حزب حوکمیان کردون و دەکەن سیستەمەکانیان تۆتالیتاری و ناوەندیێتی توندن، هەرگیز بێ گرفتی گەورەی سیاسی و یٔابوری و کۆمەڵایەتی نەبوونە و نابن، بۆیەشە لە جیاتی بەرەو پێشەوە چوون لە قوڕدا چەقیون و بوونەتە هۆی ماڵوێرانیەکی گەورەش بۆ گەلەکانیان. عێراقی سەردەمی سەدام، سوریا، لیبیا، یەمەن و ..... یٔەو نمونانەن کە پێویستە لەبەر چاوبگیرێن.
گفتوگۆ کردن لەسەر نا ناوەندیێتی (لامەرکەزیەت) کارێکی چاک و پێویستە، بەڵام خۆ لێ نەبان کردن و ڕەتکردنەوەی بێ پاساوە. چونکە کەس نییە نەزانێ سیستمی حوکمڕانی کوردستان پێویستی بە ریفۆرمێکی بنەڕەتی هەیە و جێبەجێ کردنی نا ناوەندیێتیش بنەمایەکی سەرەکی یٔەو ریفۆرمەیە، کەواتە لەسەرچی وەستاوین؟!
شۆڕکردنەوە و دابەشکردنی دەسەڵاتەکانی حکومەت هەنگاوی بەهێزکردنی قەوارە و دەسەڵاتەکانی هەرێمن، بەپێچەوانەشەوە ڕۆژ دوای ڕۆژ سیستەمە حوکمڕانیەکە نا کارا و بێ گاریگەریتر دەبێ و دەپووکێتەوە!
من پێم وایە لەم قۆناغەدا هەر لایەنێک بڕوای بە شۆڕکردنەوەی دەسەڵاتەکان و گرنگیدان بە تەواوی یٔەنجومەن و یەکە یٔیدارییەکان نەبێ، دەبێ گومان لە یٔەهلیەتی سیاسی بکرێ، لەبەر یٔەوەی لە کوردستان بەگشتی و تێکڕای حزبەکان لە دژی دیکتاتۆریەت و ناوەندیێتی توند قوربانی زۆرمانداوە، بۆیە دەبێ بەگشتی و بە تێکراش لەگەڵ دیموکراسی و یٔەو سیستەمە بین، کە بۆ هەلومەرجەکانی سەردەم دەگونجێ و رێگریش دەبێ لە دروستکردنی دیکتاتۆری و تۆتالیتاری.
گرتنەبەری رێگای نا ناوەندیێتی لەبەرژەوەندی خەڵک و دەسەڵاتی نیشتیمانیدایە، بەپێچەوانەوە خەمساردی و بە هەند هەڵنەگرتنی یٔەو بابەتە دژی بەرژەوەندیەکانی خەڵک و قەوارەی هەرێمە.
یٔەگەر دەمانەوێ قەوارەی هەرێم و دەسەڵاتی نیشتیمانیمان بەهێز و تۆکمە بکەین، پێویستە بەشێوەیەکی گشتی بە سیستەمی حوکمڕانیماندا بچینەوە و یەک و دووش لە جێبەجێ کردنی لامەرکەزیەت نەکەین.