ئاشکرایە، کارەساتی کیمیاباران کردنی شاری هەڵەبجە لە ١٦ / ٣ / ١٩٨٨ لە چوارچێوەی جەنگی هەشت ساڵەی نێوان عێراقدا هاتۆتە ڕوودان .
کاتێک شاری هەڵەبجە لە لایەن هێزەکانی کۆماری ئیسلامی ئێرانەوە داگیرکراوە ، بە هاوکاری هێزی پێشمەرگە ، حکومەتی عێراقیش دەستی بردووە بۆ ئەو تاوانە نامرۆڤانە گەورەیەو ئەو جینۆسایدەی خولقاندووە لە شاری هەڵەبجەو ، شەهید بوونی پێنج هەزار هاوڵاتی لاشەڕو بینداربوونی سەدان هاوڵاتی و وون بوونی چەندان مناڵ و ئاوارەبوونی شارێکی لێ کەوتۆتەوە .
دوای تێپەڕبوونی ٣٥ ساڵ بەسەر کارەساتەکەدا ، ئەوەی جێی پرسیارەو پێم وایە تا ئێستا من نەمدیوە یان هەر نەوروژێنراوا ئەوەیە، هیچ ڕۆژنامەنووسێک نەیپرسیوە لەبارەیەوەو هیچ نوسەرێک باسی نەکردووە کە بۆچی لەو کارەساتەدا تەنها هاوڵاتی لاشەڕومەدەنی بەرکەوتوەو هێزەکانی ئێران و هێزەکانی پێشمەرگە بەر نەکەوتن ، بۆچی فەرماندەیەکی پێشمەرگە یان مەسولێک کیمیایی لێ ی نەداوە ؟!!
لە کاتێکدا لەو کاتەدا هەڵەبجە لەژێر کۆنترۆڵی ئێران و پێشمەرگەدا بوو یان گۆڕەپانی شەڕ بووە ، هەندێ بەدواداچونم کرد پرسیارم لەچەند کەسکرد وتیان نەمانبیستووە .
لە ڕاستیدا ئەگەر ئەمە وابێت سەلمێنەری ڕاستیەکی زۆر تاڵەو پەڵەیەکی ڕەشیشە بەنێوچاوانی هێزەکانی پێشمەرگەوە کە ئەگەری هەیە زانیبێتیان یان پێشبینی ڕووداوەکەیان کردووەو خەمی خۆیان خواردووە بە ڕاکردن یان بەکارهێنانی قیناع و خەڵکە لاشەڕەکەیان گورگانە خوارد کردووە .
ئەمە بابەتێکە حەقی خۆیەتی مێژوونووسان و ڕۆژنامەنووسان بەداواداچوون و،ڵێکۆڵینەوەی جیدی لەبارەوە بکەن و ئەوانەی کەمترەخەم بوون دیاری بکرێن و دادگایی بکرێن و پاشان سزای خۆیان وەربگرن .