بەراستی مایەی پێکەنینە کە ئێستا سەرکردایەتیی یەکێتی ئاماژە بەوە دەکات کە؛ پارتی تاکڕەوانە بڕیاری هاوپەیمانێتی و کاندیدکردنی داوە بۆ پۆستی سەرۆک کۆمار، ئینجا لەوە کۆمیدیتریش؛ هەندێ بەرپرسیشیان دەڵێن پارتی حساب بۆ یەکڕیزیی کورد ناکات و لای ئەو یەکڕیزی ئەوەیە کە دوای بکەویت !..وەک ئەوەی ئیکتیشافێکی تازەیان کردبێت و تازە پارتی-یان ناسیبێت..ئاخر تازە کێ ئەو کاڵا ئێکسپایەرەتان لێ دەکڕێت کە پێشتر خەڵکی تر زۆر هاواریانکرد و بەردەوام ئاگاداریان دەکردنەوە کە چیتر مەبن بە دارشەقی سیاسەتە تاکڕەوییەکانی پارتی، ئێوە بە هەموو هێزتانەوە دەچوونەوە باوەشی ئەو پارتی -یەی ئێستا لەبەر پۆستی چەوری سەرۆک کۆمار، بە دەرچوو لەیەکڕیزی کورد ناوزەدی دەکەن، مەگەر هەر ئێوە نەبوون و هەر لەبەر ئەو پۆستی سەرۆک کۆمارییە نەبوو، هەر زوو هەموو یەکێتی و مێژوو و پرەنسیپ و بەرنامە و ستراتیژەکەیتان تەسلیمی پاڕتی نەکرد و لەناوخۆشدا بۆ رازیکردنی پارتی بنەماڵەی بارزانی، بەهەموو تواناتانەوە نەچوونەوە بەگژ ئەو دەنگ و ئیرادانەی کە داوای چاکسازی و پاراستنی جیاوازییەکانی یەکێتی و هەیبەتە سیاسییەکەیان دەکرد..مەگەر سی و یەک ساڵە هەردوولا بەیەکەوە شەڕ و ئاشتی-تان، تەبایی و ناتەبایی-تان، یەکڕیزی و دوو ریزیشتان هەر لەسەر پارە و پۆست نەبووە..دوای ئەو هەموو کاولکاری و بەدکارییەی پێکەوە کردتان، تازە بە تازە بۆتان دەردەکەوێت کە پارتی تاکڕەوە و یەکڕیزیی کوردی تێکداوە ؟!