ئەزمون و دۆخی بەھێزیی، حەز و خولیای ھەمو دەوڵەتان و قەوارە و تاکەکانیشە، بەڵام بێگومان بەھێزترینمان ساتی بێھێزی بەخۆوە دەبینێت گەر لەئاستێکی زۆر باڵا و ئەوپەڕی ھێزیشدا بین. بۆیە ھەرگیز ناکرێت چی وەک و زلھێزێکی جیھانی یان تاکێکی بەھێز گومڕا ببین و لاواز و بێھێزەکان فەرامۆش بکەین. ئەو دۆخە نوێیەی ئاگرەکەی کالیفۆرنیا لەم چەند ڕۆژەدا خوڵقاندی ئەو ڕاستیە دەسەلمێنێت.
ھەرچەند تێگەیشتن و خوێندنەوەی ورد و قبوڵکردنی دۆخی بێھێزی وەھا دەکات بەھێزتر دەرکەویتەوە لە ئەنجامدا.
پاش فراوانبون و خێرا بڵاوبوونەوەی ئاگرەکەی کالیفۆرنیا و نەتوانینی دەستبەسەرداگرتنی لەلایەن تیمەکانی ئاگرکوژێنەوە و کەرتی تایبەت بە ئەو بوارە، ئەمریکیەکان دەیانەوێت سوود لە بەندکراو و سزادراوەکانی نێو زیندانەکان ببینن بۆ کۆنترۆڵکردنی ئاگرەکە.
بەگوێرەی چەند سەرچاوەیەکی میدیایی ئەمریکی، بەڕێوەبەرێتی چاکسازی کالیفۆرنیا بڕیاری داوە بەنزیکەی ١٠٠٠ زیندانی بۆ یارمەتیدانی تیمەکانی ئاگرکوژێنەوە بۆ کۆنتڕۆڵکردنی ئاگرەکە لە ناوچە جیاجیاکانی ئاگرەکەی تێدا کەوتووەتەوە جێگیر بکات.
وە بڕیاریش درا ئەو زیندانییانەی کە بەشداری و ھاوکاری دەکەن لە کوژاندنەوەی ئاگرەکە ماوەی زیندانیکردنیان کەم دەکرێتەوە، ڕۆژانەش بڕی ٥ بۆ ١٠ دۆلار وەک ھاوکاریی دارایی وەربگرن.
تائێستا ئاگرەکە بۆتە ھۆێ گیان لەدەستدانی سەرو بیست کەس،سوتانی دەیەھا ھێکتار زەوی،خاپور بونی ھەزارەھا ماڵ و باڵەخانە و ڕێگاو بان، کەزیانەکان بە سەرو ١٠٠ ملیار دۆلار خەمڵێنراون و بەنزیکەی ٢٠٠ ھەزار کەسیش ئاوارە بون.