شەرمێک بۆ کەمال مەزھەری کۆچکردوو.!
فەرەیدون کونجرینی
2021-03-24 1113
کورد ووتەنی لە دوای مردن ڕەحمەت باشە، بەڵام.!
ئەوەی ئەنجامدرا بۆ کەمال مەزهەر لە پێناو ئەوەدابوو" تا مردیش ڕەخنەی لە دەسەڵاتی باشور نەگرت، نوسەرێکی بێدەنگ و ورگ تێرکراوو بوو ، دیارە ھەر کەسێک ببێتە جێی سەروەریو شانازی دەسەڵاتە دزەکەی باشوور بێشک جێی
گومان و بەدە بۆ ئایندەو مێژو، بێگومانم خۆشی و خانەوادەو خەڵکی کوردستانیش ئەم جێ
شەرم و شکستە دەبینن و ئارەقەی شەرمەزاری پێدەڕێژن.
پڕۆفیسۆر جەمال
نەبەز هەموو تەمەنی خۆی تەرخانکرد لەپێناو وێژەو زوبانی کوریداو پێی نەزاندرا ، لەسەرەتای حکومداری 1992 لە
باشوری کوردستان بەکاریان هێنا لە
نوسینەوەی دەستورو دەیان کاری ڕێکخراوەیی ، پاش ئەوەی مامۆستا جەمال نەبەز پێی
زانی کە بنەماڵەی بارزانی و تاڵەبانی گۆشەگیری داهات و سەروەت و سامانی ژێر
دەسەڵاتیان و لە بەرژەوەندی حزبدانیە لەبیری
دەکەن و کاریان پێی نامێنیت ، مامۆستا
جەمال نەبەز بەبوێری ژیاوو توانی کوردایەتی خۆی باشتر لە کەمال مەزهەر لەواقعی
کوردایەتیدا دیاریبکات ، بەڵام کەمال مەزهەر سستی هەڵبژارد و بەرژەوەندیەکانی خۆی قۆستەوە و
لەبونیدا ڕۆژێک لە ڕۆژان ڕەخنەی لە دەسەڵاتی کوردی نەگرت لەوەی ڕۆژانە بە دەیان
ملیۆن دۆلار داهاتی هەرێم حزب قۆرخی کردوە و نەیانتوانیوە حکومەتێکی یاسایی و پەرلەمانێکی
تەندروست بەرجەستەبکەن ، لەماوی 30 ساڵ
حومڕانی و داگیرکاری ڕۆژێك لە ڕۆژان ڕەخنەی لە خراپ بەکار هێنانی دەسەڵاتی
بنەماڵەی بارزانی نەگرت.
لێرەدا دەمەوێ بێ دوو دڵی ھەندێک پرسیار بجوڵێنم.؟
ئایا کاک کەمال مەزھەر و خانەوادەکەی کە دەیانزانی ئەو
دۆخی تەندروستییەی تێدا دەژیا خەرجی و تێچونەکەی لە کوێ و بۆچی و چۆن بۆ خەرج
دەکرا.!؟
لە کاتێکدا دەزانرا کە ھیچ جۆرە چارەسەرێکی پێویستی لەبەردەمدا
نەبوو و نەمابوو. جگە لە چاوەڕوانیەکی بەم چەشنە کۆتایی و ژیان ئاوایی لە
ھەموانکرد.!
کەسێکی مێژوو نوسی و ڕاستی بیستراو زانی لە چیرۆکەکانی
ڕابوردوی میللەت و وەرگیراوو کۆکراوەی کورد، توانی جێدەست و بەشێک لە مێژوی
کۆکراوەو نوسراو بە دەستخۆشییەوە بخاتە بەردەست خۆینەری کورد و ناوچەکە، بەڵام بێ
ئاگا لە مێژووی کورد و دەسەڵاتی چەتەو زوڵمی کوردی خۆسەپێن و دز و دۆڕاو بێدەنگبێت
و مشت بە مشتی پارەو خەرجییەکانیان لێ بگرێتە ئەستۆ و قنج قنج سەرانی چەتەو دزی
باشور بچنە سەردانی و شانازی بە بوون و مانەوەی بکەن.!
جەمال نەبەزی کورد پەروەر و ماندوو نەناس و تێکۆشەر
قبووڵی نەبوو کوردستانی ئازادکراوی ژێر دەستی بەعس ببینێ کە تێدا زۆڵە کوردی
خۆفرۆش بوبووە خاوەنی کۆشک و تەلاری خیانەت و خۆفرۆشی و قەڵای ئازاردانی ئازادی و
سەروەرییەکانی خەڵکی کوردستان...
لە کاتێکیشدا وەفاتی کرد ڕاسپاردەی ئەو ئەوەبوو کە
تەواوی دەسەڵاتی نادادپەروەرو چەتە بێ بەری بکات لە بەشداری و دەربڕینی درۆینەی
ماتەم و ھەڵسوڕانی پرسەو ھاوخەمی خانەوادەو ھاوبەشیکردن لە ھاوسۆزی خەڵکی
کوردپەروەری بە ئەمەک دڵسۆز بۆ نەتەوەو نیشتیمان.
بژی مێژوی ڕاستەقینەو بە ئەمەکی دڵسۆزانی خەڵکی
کوردستان.