ئای کە قێزەوەنن ..!
شەماڵ عادل سەلیم
2021-07-26 733
ئازادیخوازو نووسەری گەورەی
فەلەستینی غەسان کەنفانی دەڵێت : نانەکەت
دەدزن دوایی پارچەیەکی نانەکەت دەدەنێ و پاشان داوات لێدەکەن لەبەرێزو بەخشندەییان
٬ سوپاسیان بکەی ، ئای
کەقێزەونن..!
دیارە ئەو قسەییەی کەنفانی رێک لە سەر ئەورۆی هەرێمی بەتەمای اللە
جێبەجێ دەبێت . تەماشاکەن ، دوای ماوەیەکی زۆرلە لێبڕین و دواکەوتنی موچە ، ئەمرۆ
حکومەت بڕیاریدا ئەم مانگە بێ
لێبرین موچە دابەشبکات، ئەو موچەیەی کە چەندین ساڵە هاتنی وەک هاتنی جەژنی لێهاتووە ،
میدیاکان سەرقاڵی بڵاوکردنەوەی لیستی موچەن وسەری زمان و بنی زمانیان بووەتە موچە هات ، موچە
نەهات، لێبڕین لادەبرێت ، لانابرێت، رێژەی لێبرێن زیاد دەکرێت ، کەم دەکرێت . موچەخوراوەکانیش بێدەنگ و
ئاقڵ دانیشتوون و چاویان لە قاپی اللە یە .
حکومەت زۆرزانە و دەزانێت چۆن موچەخوراوەکان قورمیش دەکات ،دەزانێت
کەی و بۆ سیاسەتی لێبڕین پەیرەودەکات، هەر ئەو زۆرزانییەی حکومەتە وای کردووە موچەخوراوەکان ڕابهێنێت لەسەرلێبڕین و دواخستنی
موچە کە سەرەتاترین مافی موچە خوراوەکانە .
ئەوە ئەو سیاسەتە (حەکیمانەی) ئەو حکومەتە زۆرزانەیە وای کردووە
موچەخوراوەکان بڵێن : ( ئێمە مەمنوونین ) بە لێبرین، بەمەرجێک لە
وادەی خۆی موچەکان دابەش بکریت ، ئێ حکومەتیش گوێی لەو قسانەیە ولەخۆشیان بەدەم گەشکە گردنەوە دەڵێت : ئا ئەوەیە ڕەعییەتی ساڵح .
بەراستی حکومەت زۆر بە جانسە ، ئاخر ڕەعییەتی وا گوێڕایەڵ و بەسەبروتەحەمل
لەکۆیی ئەم دونیایەداهەیە ؟
تەماشاکەن ، لەگەڵ ڕاگەیاندنی (موژدەکە)ی ئەنجومەنی وەزیران بۆ
هەڵوەشانەوەی لێبڕینی مووچە، کە نازانرێت بەردەوام دەبێت یان نا ، موچە خوراوەکانی
هەرێمی بەتەمای اللە سوپاسی ( برا گەورە )
یان کردوو بەشان و باڵیان هەڵدا ،لە سوشیال میدیاش باس هەر
باسی بەخشندەیی ئەو حکومەتەیە کە چەندین ساڵە بە سیستەماتێک یاسای پاشەکەفت و
لێبڕینی بە هەنجەتی جۆراوجۆر بەسر موچەخوراوکان سەپاندووە .
لە بری ئەوەی ئەنجومەنی وەزیران و ئەنجومەنی ئابوری سوپاسگوزاری موچەخوراوەکان بێت و، داوای
لێبوردنیان لێ بکات و،بەڵێنی لێبڕین و دواکەوتنی موچە یەکجاری کۆتایی پێنهێنێت ،
موچەخوراوەکان شایی و لۆغانیانە وسوپاسگوزاری خۆیان دەردەبڕن بۆ سەرۆکی حکومەت، کە
لوتفی فەرموو بە دابەش کردنی موچە بێ لێبرین .
کەنفانی گوتەنی ” ئای کە قێزەوەنن” !