بۆ یەكەمجار لەسەر ئاستی هەرێمی كوردستان، زانكۆی سلێمانی ماددەیەكی بەرهەمهێنا كە لە پشكنینی توشبوانی ڤایرۆسی كۆرۆنادا بەكاردەهێنرێت.
ئاوێنە: د.سەباح هەورامی، بەڕێوەبەری گشتی تەندروستی سلێمانی، ئەمڕۆ هەینی، لەڕاگەیەندراوێكدا وتی"دەستخۆشی لە ستافی زانکۆی سلێمانی، سەرۆکایەتی زانکۆی سلێمانی، دەکەم کە بۆیەکەمجار لەسەر ئاستی هەرێمی کوردستان توانیان ماددەی ڤی تی ئێم بەرهەمبهێنین."
بەگوێرەی قسەی بەڕێوەبەری گشتی تەندروستی سلێمانی ماددە بەرهەمهاتوەكە "لە پشکنینی توشبوانی ڤایرۆسی کۆرۆنادا بەکاردەهێنرێت."