شاره‌زایانی‌ بواری‌ فه‌له‌كناسی‌ له‌رێی‌ رۆژی‌ له‌دایكبوونه‌وه‌ شێوازی‌ مامه‌ڵه‌و كه‌سایه‌تی‌ مرۆڤ دیاری‌ ده‌كان، بۆیه‌ تۆش ده‌توانیت له‌و رێیه‌وه‌ له‌كه‌سایه‌تی‌ خۆت‌و ده‌ورووبه‌رت تێبگه‌یت.

یه‌كی‌ مانگ: كه‌سێكی‌ بوێره‌و توانایه‌كی‌ باشی‌ هه‌یه‌ بۆ تێگه‌یشتنی‌ ده‌ورووبه‌ر، ئه‌گه‌ر له‌شه‌ودا له‌دایك بووبێت ئه‌وا كه‌سێكی‌ توڕه‌یه‌.

دووی‌ مانگ: توانایه‌كی‌ باشی‌ هه‌یه‌ بۆ كۆنترۆڵكردنی‌ رووداوه‌كان، به‌ڵام زۆرجار بێ بیركردنه‌وه‌ بڕیار ده‌دات‌و تووشی‌ هه‌ڵه‌ ده‌بێت.

سێی‌ مانگ: كه‌سێكی‌ خۆشه‌ویسته‌و ده‌توانێت به‌ئاسانی‌ دڵی‌ كه‌سانی‌ ده‌ورووبه‌ر رازی‌ بكات، وریایه‌ له‌مامه‌ڵه‌ كردندا، حه‌ز به‌خێركردن ده‌كات.

چواری‌ مانگ: حه‌ز به‌كاركردنی‌ به‌رده‌وام ده‌كات‌و به‌زوویی‌ له‌گۆڕانه‌كانی‌ ده‌ورووبه‌ر تێده‌گات، هه‌وڵی‌ زۆر ده‌دات بۆ كۆكردنه‌وه‌ی‌ سامان‌و دارایی‌.

پێنجی‌ مانگ: كه‌سێكه‌ زوو زوو بۆچوونه‌كانی‌ ده‌گۆڕێت، زۆركات توڕه‌ ده‌بێت، ده‌یه‌وێت سه‌ربه‌ست بێت له‌بڕیاردانداو ده‌ست وه‌رنه‌ده‌نه‌ كاره‌كانی‌.

شه‌شی‌ مانگ: ده‌دپه‌روه‌ره‌ له‌مامه‌ڵ كردنداو كه‌سێكی‌ كۆمه‌ڵایه‌تییه‌و زوو ده‌گونجێت له‌گه‌ڵ ده‌ورووبه‌ر، له‌بواری‌ سۆزداریدا كه‌سێكی‌ سه‌ركه‌وتووه‌.

حه‌وتی‌ مانگ: كه‌سێكی‌ له‌سه‌رخۆو هێمنه‌، له‌بواری‌ كاركردندا زۆركات سه‌ركه‌وتن به‌ده‌ست ده‌هێنێت، حه‌ز به‌سه‌ربه‌ستی‌ ده‌كات‌و كه‌متر كێشه‌ ده‌خوڵقێنێت.

هه‌شتی‌ مانگ: گرنگی‌ زۆر به‌بواری‌ دارایی‌ ده‌دات‌و وریایه‌ له‌مامه‌ڵه‌ كردندا، سه‌ركه‌وتووه‌ له‌هه‌نگاوه‌كانیداو گوێ‌ له‌بۆچوونی‌ كه‌سه‌ نزیكه‌كانی‌ ده‌گرێت.

نۆی‌ مانگ: كه‌سێكی‌ بویِرو ئازایه‌و سڵ ناكاته‌وه‌ له‌بڕیاردان، له‌بواری‌ سۆزداریدا كه‌سێكی‌ هه‌ست ناسكه‌و رێز له‌به‌رامبه‌ره‌كه‌ی‌ ده‌گرێت‌و به‌قسه‌ی‌ ده‌كات.

ده‌ی‌ مانگ: توانایه‌كی‌ زۆری‌ هه‌یه‌و حه‌ز به‌كێبڕكێ‌‌و سه‌ركه‌وتن ده‌كات، ئه‌و كارانه‌ی‌ ده‌ستی‌ ده‌داتێ‌ تا ته‌واویان نه‌كات وازیان لێناهێنێت.

یانزه‌ی‌ مانگ: كه‌سێكی‌ كۆمه‌ڵایه‌تییه‌و حه‌ز به‌تێكه‌ڵبوون له‌گه‌ڵ ده‌ورووبه‌ر ده‌كات، به‌ڵام زۆرجار خۆپه‌رسته‌و به‌ته‌نها به‌رژه‌وه‌ندی‌ خۆی‌ ده‌وێت.

دوانزه‌ی‌ مانگ: هیواو ئاواتی‌ زۆری‌ هه‌یه‌و به‌رده‌وام هه‌وڵیان بۆ ده‌دات، هه‌ست به‌به‌رپرسیارێتی‌ ده‌كات‌و خۆی‌ نادزێته‌وه‌ له‌كار‌و ئه‌ركه‌كانی‌ سه‌ر شانی‌.

سیانزه‌ی‌ مانگ: توانایه‌كی‌ باشی‌ هه‌یه‌ بۆ تێگه‌یشتن، حه‌ز به‌گفتوگۆ ده‌كات‌و كه‌سێكی‌ كۆمه‌ڵایه‌تییه‌، زۆربه‌ی‌ كات به‌گه‌شبینی‌ بۆ رووداوه‌كان ده‌ڕوانێت.

چوارده‌ی‌ مانگ: زۆربه‌ی‌ كات پێش رووداوه‌كان ده‌كه‌وێت‌و هه‌ست به‌گۆڕانكارییه‌كان ده‌كات، هه‌وڵی‌ زۆر ده‌دات بۆ رازیكردنی‌ كه‌سه‌ نزیكه‌كانی‌.

پانزه‌ی‌ مانگ: توانایه‌كی‌ باشی‌ هه‌یه‌و خۆڕاگره‌ به‌رامبه‌ر ئه‌و گرفتانه‌ی‌ رووبه‌رووی‌ ده‌بنه‌وه‌، حه‌ز به‌دادپه‌روه‌ری‌ ده‌كات‌و دوور ده‌كه‌وێته‌وه‌ له‌ناكۆكی‌.

شانزه‌ی‌ مانگ: كه‌سێكی‌ راستگۆیه‌و متمانه‌ی‌ زۆری‌ به‌خۆی‌ هه‌یه‌، حه‌ز به‌سه‌فه‌رو جێگۆڕكێ ده‌كات، ده‌یه‌وێت زانیاری‌ نوێی‌ ده‌ست بكه‌وێت.

حه‌ڤده‌ی‌ مانگ: ده‌توانێت به‌ئاسانی‌ كه‌سانی‌ ده‌ورووبه‌ر رازی‌ بكات‌و به‌زوویی‌ هه‌ست به‌گۆڕانكارییه‌كان ده‌كات‌و به‌هه‌وڵێكی‌ كه‌م كێشه‌كان چاره‌سه‌ر ده‌كات.

هه‌ژده‌ی‌ مانگ: حه‌ز به‌خۆشگوزه‌رانی‌ ده‌كات‌و دوور ده‌كه‌وێته‌وه‌ له‌ناكۆكی‌، هه‌ندێ‌ جار به‌دووروویی‌ مامه‌ڵه‌ ده‌كات، توانایه‌كی‌ هونه‌ری‌ زۆری‌ هه‌یه‌.

نۆزده‌ی‌ مانگ: سوره‌ له‌سه‌ر بڕیاره‌كانی‌‌و خاوه‌نی‌ بنه‌مایه‌كی‌ جێگیره‌، له‌رووی‌ سۆزدارییه‌وه‌ تووشی‌ ناكۆكی‌ زۆر ده‌بێت، حه‌زی‌ به‌كاركردنی‌ به‌رده‌وامه‌.

بیستی‌ مانگ: متمانه‌ی‌ به‌خۆی‌ هه‌یه‌و كه‌متر پشت به‌ده‌ورووبه‌ر ده‌به‌ستێت، كه‌سێكی‌ رووخۆشه‌و نایه‌وێت كێشه‌ دروست بكات، ماندوو نابێت.

بیست‌و یه‌كی‌ مانگ: كه‌سێكی‌ گونجاوه‌ بۆ ئه‌وه‌ی‌ پۆستی‌ باڵا وه‌ربگرێت، هه‌ست به‌به‌رپرسیارێتی‌ ده‌كات‌و ده‌یه‌وێت سوود به‌هاوڕێكانی‌ بگه‌یه‌نێت.

بیست‌و دووی‌ مانگ: به‌وریاییه‌وه‌ مامه‌ڵه‌ ده‌كات‌و پێش هه‌ر بڕیارێك به‌باشی‌ بیر ده‌كاته‌وه‌، كه‌سێكی‌ له‌سه‌رخۆیه‌و به‌ختێكی‌ باشی‌ هه‌یه‌.

بیست‌و سێی‌ مانگ: حه‌ز به‌سه‌ربه‌ستی‌ ده‌كات‌و خاوه‌نی‌ بۆچوونی‌ تایبه‌تی‌ خۆیه‌تی‌، كه‌سێكی‌ كۆمه‌ڵایه‌تییه‌و له‌زۆربه‌ی‌ كاره‌كانیدا سه‌ركه‌وتن به‌ده‌ست ده‌هێنێت.

بیست‌و چواری‌ مانگ: به‌ختێكی‌ باشی‌ هه‌یه‌، حه‌ز به‌یارمه‌تی‌ كه‌سانی‌ ده‌ورووبه‌ر ده‌كات، به‌وردی‌ له‌گۆڕانه‌كمان ده‌كۆڵیته‌وه‌و زۆرجار دوودڵه‌ له‌بڕیارداندا.

بیست‌و پێنجی‌ مانگ: توانایه‌كی‌ باشی‌ هه‌یه‌ بۆ به‌ڕێوه‌بردنی‌ كاره‌ گرنگه‌كان، سووره‌ له‌سه‌ر بڕیاركانی‌‌و كه‌مترین كات په‌شیمان ده‌بێته‌وه‌.

بیست‌و شه‌شی‌ مانگ: له‌گه‌ڵ ئه‌وه‌ی‌ كه‌سێكی‌ ئارامه‌، به‌ڵام هه‌ندێ‌ جار كێشه‌ی‌ بچووك توڕه‌ی‌ ده‌كات، دڵێكی‌ باشی‌ هه‌یه‌.

بیست‌و حه‌وتی‌ مانگ: له‌رووی‌ سۆزدارییه‌وه‌ كه‌سێكی‌ به‌هه‌سته‌، توانایه‌كی‌ باشی‌ هه‌یه‌و بێ دوودڵی‌ بڕیار ده‌دات، حه‌ز به‌گۆڕانكاری‌ ده‌كات.

بیست‌و هه‌شتی‌ مانگ: به‌رده‌وام بۆچوونه‌كانی‌ ده‌گۆڕێت‌و كه‌سێكه‌ ناجێگیره‌، كه‌متر متمانه‌ی‌ پێده‌كرێت، له‌گه‌ڵ ئه‌وه‌شدا كه‌سێكی‌ خۆشه‌ویسته‌ له‌ناو ده‌ورووبه‌ر.

بیست‌و نۆی‌ مانگ: توانایه‌كی‌ باشی‌ هه‌یه‌ بۆ كاركردن‌و هه‌ست به‌ماندوێتی‌ ناكات، خۆڕاگره‌و كه‌متر كێشه‌و گرفته‌كان كاری‌ تێده‌كه‌ن.

سی‌ مانگ: كه‌سێكی‌ بوێره‌و به‌ئاسانی‌ ده‌توانێت دڵی‌ كه‌سانی‌ ده‌ورووبه‌ر رازی‌ بكات، به‌زوویی‌ ده‌ستبه‌رداری‌ مه‌به‌سته‌كانی‌ نابێت، هێمن‌و له‌سه‌رخۆیه‌.

سی‌‌و یه‌كی‌ مانگ: به‌ئاسانی‌ ده‌توانێت خۆی‌ له‌گه‌ڵ گۆڕانه‌كانی‌ ده‌ورووبه‌ری‌ بگونجێنێت، وریایه‌ له‌مامه‌ڵه‌ كردندا، حه‌ز به‌سه‌ربه‌ستی‌ ده‌كات له‌بڕیاردان.