وەزارەتی بەرگریی توركیا بڵاویكردەوە نیوەڕۆی ئەمڕۆ پێنجشەممە، فڕۆكەیەكی سەربازیی وڵاتەكەیان لەكاتی مەشقدا لە پارێزگای كۆنیا كەوتۆتە خوارەوەو بەهۆیەوە كارمەندێكی وەزارەتەكەیان گیانی لەدەستداوە.
ئاوێنە: وەزارەتەكە لە راگەیەندراوێكدا وتویەتی، سەعات 12:51 خولەكی ئەمڕۆ "بەهۆکارێک کە هێشتا دیار نییە" فڕۆکەی NF-5ی سەربە هێزەکانی ئاسمانییەكانیان لە پارێزگای كۆنیا لەكاتی مەشقدا كەوتۆتەخوارەوە.
بەگوێرەی راگەیەندراوەكە، فڕۆکەوانی فڕۆکەکە خۆی هەڵداوەتە خوارەوەو ڕزگاری بوە و گواستراوەتەوە بۆ نەخۆشخانە، بەڵام لە گۆڕەپانی بەرزبونەوەو نیشتنەوەی فڕۆکە لەو ناوچەیەی فڕۆکەکە کەوتوەتەخوارەوە کارمەندێکی وەزارەتەكەیان کە سەرقاڵی کاری نۆژەنکردنەوە بوە، گیانی لەدەستداوە.
وەزارەتی بەرگریی توركیا وتوشیەتی، لێکۆڵینەوە لەبارەی روداوەکە دەستیپێکردوە.